ಬೆಹರೈನ್ (ಡಿ೦೩, ಕುಲಾಲ್ ವರ್ಲ್ಡ್ ನ್ಯೂಸ್): ಬೆಹರೈನ್ ಕುಲಾಲ ಸಂಘದ ವತಿಯಿಂದ ಹೊಸ ವರ್ಷಾಚರಣೆಯು ಬಹಳ ವಿಜೃಂಭಣೆಯಿಂದ ನಡೆಯಿತು. ಹೊಸ ವರ್ಷದ ಸ್ವಾಗತಕ್ಕಾಗಿ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿತ್ತು.
ಬೆಹರೈನ್ ಮನಾಮಾದಲ್ಲಿರುವ ಪೋಪಿಲನ್ ರೆಸ್ಟೋರೆಂಟ್ ನಲ್ಲಿ ನಡೆದ ಕಾರ್ಯಕ್ರಮಕ್ಕೆ ಸಂಘದ ಹಿರಿಯ ಸದಸ್ಯೆ ಅನಿತಾ ಕುಲಾಲ್ ಅವರು ದೀಪ ಬೆಳಗಿಸುವ ಮೂಲಕ ಚಾಲನೆ ಕೊಟ್ಟರು. ಮಕ್ಕಳಿಗೆ, ಪುರುಷರಿಗೆ ಹಾಗೂ ಮಹಿಳೆಯರಿಗೆ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿದ್ದು, ಸದಸ್ಯರೆಲ್ಲರೂ ಆಸಕ್ತಿಯಿಂದ ಭಾಗವಹಿಸಿ ಹೊಸ ವರ್ಷದ ಸಂಭ್ರಮಕ್ಕೆ ಕಳೆ ತುಂಬಿದರು. ಉದ್ಯೋಗಕ್ಕಾಗಿ ಬೆಹರೈನ್ ಗೆ ತೆರಳಿರುವ ಒಟ್ಟು 53 ಮಂದಿ ಸದ್ಯಸರು ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು.
ಕಾರ್ಯಕ್ರಮದಲ್ಲಿ ಸಂಘದ ಹಿರಿಯ ಸದಸ್ಯರಾದ ದಿನೇಶ್ ಅಸ್ರಿ, ಪ್ರಮುಖರಾದ ರಾಧಾಕೃಷ್ಣ ಮರ್ತಾಜೆ, ಕೇಶವ ಕುಲಾಲ್, ನಾಗರಾಜ್, ಸೀಮಾ ಗುರುಪ್ರಸಾದ್, ಧನುಷ್ ಬಂಗೇರ, ಗಣೇಶ್ ಮಾಣಿಲ, ರಮೇಶ್ ಶಿರ್ವ, ಜಯಕಾಂತ್ ಪೊಯ್ಯಲೆ, ಪ್ರವೀಣ್ ಇನ್ನಾ, ವಿಶಾಲಾಕ್ಷಿ ನಾರಾಯಣ, ನಿರಂಜನ್, ವಿನಯ್ ಶಶಿಧರ್, ಕಿಶೋರ್, ಧನಂಜಯ್ ಮೊದಲಾದವರು ಉಪಸ್ಥಿತರಿದ್ದರು.
