ದೋಹಾ(ನ.೧೧, ಕುಲಾಲ್ ವರ್ಲ್ಡ್ ನ್ಯೂಸ್): ದೋಹಾ ಕತಾರ್ ನಲ್ಲಿ ನೆಲೆಸಿರುವ ಸಮಾನ ಮನಸ್ಕ ಕುಲಾಲರ ಸ್ನೇಹ ಕೂಟ ಕಾರ್ಯಕ್ರಮ ಹಾಗೂ ಕುಲಾಲ್ ವರ್ಲ್ಡ್ ಡಾಟ್ ಕಾಮ್ ನ ೨ನೇ ವಾರ್ಷಿಕೋತ್ಸವ ಆಚರಣೆಯು ನವೆಂಬರ್ 10 ಹಾಗೂ 11ರಂದು ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ಜರಗಿತು.
ಕತಾರಿನ ಕ್ಯುಕೆಮ್ ಇದರ ಅಧಿಕಾರಿ ಆನಂದ ಕುಂಬಾರ ಅವರ ಮುಂದಾಳುತ್ವದಲ್ಲಿ ಈ ಕಾರ್ಯಕ್ರಮವನ್ನು ಕತಾರ್ ರಾಜಧಾನಿ ದೊಹಾ ಹೊರವಲಯದ ಉಮ್ ಸಲಾಲ್ ನ ಭವ್ಯ ಬಂಗಲೆಯಲ್ಲಿ ಆಯೋಜಿಸಲಾಗಿತ್ತು.
ಕುಲಾಲ್ ವರ್ಲ್ಡ್ ಡಾಟ್ ಕಾಂನ ೨ನೇ ವರ್ಷಾಚರಣೆಯನ್ನು ಆನಂದ್ ಕುಂಬಾರ, ಉದ್ಯಮಿ ನಾಗರಾಜ್ ಬಂಗೇರ, ಇಂಜಿನಿಯರ್ ಸತೀಶ್ ಬಂಗೇರ, ವೆಬ್ ಸೈಟ್ ನ ವ್ಯವಸ್ಥಾಪಕ ಸಂಪಾದಕ ದಿನೇಶ್ ಬಂಗೇರ ಇರ್ವತ್ತೂರು, ಉದಯಚಂದ್ರ ಅವರು ಕೇಕ್ ಕತ್ತರಿಸುವ ಮೂಲಕ ಆಚರಿಸಿದರು.
ಹಿತಕರವಾದ ಹವಾಮಾನ ಕಾರ್ಯಕ್ರಮ ಅದ್ಧೂರಿಯಾಗಿ ನಡೆಸಲು ಹಾಗೂ ಎಲ್ಲಾ ಸದಸ್ಯರು ಅತ್ಯುತ್ಸಾಹದಿಂದ ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಲು ಉತ್ತೇಜನವನ್ನು ನೀಡಿತು. ಈ ಸ್ನೇಹ ಕೂಟದ ಮನರಂಜನಾ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸಮಾಜ ಬಾಂಧವರು ಪಾಲ್ಗೊಂಡು ಸಂಭ್ರಮಿಸಿದರು.
