ಮಂಗಳೂರು(ಫೆ.೦೬): ಕುಲಾಲ್ ವರ್ಲ್ಡ್ ಡಾಟ್ ಕಾಮ್ ನಲ್ಲಿ ಪ್ರಕಟವಾದ `ಕಟ್ಟಡದಿಂದ ಬಿದ್ದು ಸೊಂಟ ಮುರಿದುಕೊಂಡ ವಾಸು ಕುಲಾಲ್; ನೆರವಿಗಾಗಿ ಎದುರು ನೋಡುತ್ತಿದೆ ಬಡ ಕುಟುಂಬ’ ಎಂಬ ವರದಿಯನ್ನು ಮುಂದಿಟ್ಟು ಆರ್ಥಿಕ ಸಹಾಯ ನೀಡುವಂತೆ `ಕುಲಾಲ್ ವರ್ಲ್ಡ್’ ವಾಟ್ಸಾಪ್ ಗ್ರೂಪಿನ ಮುಖಾಂತರ ಮಾಡಲಾದ ವಿನಂತಿಗೆ ಅನೇಕ ಸಹೃದಯ ದಾನಿಗಳು ಸ್ಪಂದಿಸಿದ್ದಾರೆ.
ಕೂಲಿ ಕಾರ್ಮಿಕರಾಗಿದ್ದು ಕಟ್ಟಡವೊಂದರ ಸೆಂಟ್ರಿಂಗ್ ಕೆಲಸ ಮಾಡುತ್ತಿದ್ದಾಗ ಆಯತಪ್ಪಿ ಬಿದ್ದು ಬೆನ್ನುಮೂಳೆಗೆ ಗಂಭೀರ ಏಟು ಮಾಡಿಕೊಂಡು ನಡೆದಾಡುವ ಶಕ್ತಿಯನ್ನೇ ಕಳೆದುಕೊಂಡ ಸುರತ್ಕಲ್ ಸಮೀಪದ ನಿವಾಸಿ ವಾಸು ಕುಲಾಲರ ನೋವಿಗೆ ಕನಿಕರಿಸಿ ದೇಶ ವಿದೇಶಗಳ ದಾನಿಗಳಿಂದ ಒಟ್ಟು ರೂ. 1,00,001/-(ಒಂದು ಲಕ್ಷದ ಒಂದು ರೂಪಾಯಿ) ಸಂಗ್ರಹಗೊಂಡಿತ್ತು.
ಈ ಮೊತ್ತದ ಚೆಕ್ಕನ್ನು ಫೆ. ಐದರಂದು ಸುರತ್ಕಲ್ ಕಾನದ ಮಿಸ್ಕಿತ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಯಲ್ಲಿರುವ ವಾಸು ಕುಲಾಲ್ ಅವರಿಗೆ ಹಸ್ತಾಂತರಿಸಲಾಯಿತು.
ಈ ಸಂದರ್ಭ ಕುಲಾಲ್ ವರ್ಲ್ಡ್ ಡಾಟ್ ಕಾಮ್ ವೆಬ್ ಸೈಟಿನ ಸ್ಥಾಪಕರಾದ ದಿನೇಶ್ ಬಂಗೇರ ಇರ್ವತ್ತೂರು, `ಕುಲಾಲ್ ವರ್ಲ್ಡ್’ ವಾಟ್ಸಾಪ್ ಗ್ರೂಪ್ ನಿರ್ವಾಹಕರಾದ ಹೇಮಂತ್ ಕುಮಾರ್ ಕಿನ್ಕಿಗೋಳಿ, ನರೇಶ್ ಕೆ.ಟಿ. ಬೆಳ್ತಂಗಡಿ, ರಂಜಿತ್ ಕುಮಾರ್ ಮೂಡಬಿದ್ರೆ ಹಾಗೂ ಸದಸ್ಯರಾದ ರಮೇಶ್ ಕುಮಾರ್ ವಗ್ಗ, ಉದಯ ಕುಲಾಲ್ ಕಳತ್ತೂರು, ಅರುಣ್ ಕುಲಾಲ್ ಮೂಳೂರು, ಸಂತೋಷ್ ಕುಲಾಲ್ ಕಾರ್ಕಳ, ನಿತೇಶ್ ಕುಲಾಲ್ ಏಳಿಂಜೆ, ಗುರುಪ್ರಸಾದ್ ಕೆ.ಟಿ. ಬೆಳ್ತಂಗಡಿ ಮುಂತಾದವರು ಉಪಸ್ಥಿತರಿದ್ದರು.
ಲಕ್ಷ ರೂ. ಸಂಗ್ರಹವಾಗಲು ವಾಟ್ಸಪ್ ಗ್ರೂಪಿನ ಸದಸ್ಯರಲ್ಲದೆ ದೋಹ ಕತಾರ್ ಕುಲಾಲ್ಸ್ ಫ್ರೆಂಡ್ಸ್, ಬೆಹರೈನ್ ಕುಲಾಲ್ಸ್ ಮತ್ತು ಸೀತಾರಾಮ್ ಬಂಗೇರ ಬೆಹರೈನ್ ಅವರ ಬೆಂಬಲ ಮಹತ್ವದ್ದಾಗಿದ್ದು, ಸಹಕರಿಸಿದ ಎಲ್ಲರಿಗೂ `ಕುಲಾಲ್ ವರ್ಲ್ಡ್’ ತುಂಬು ಹೃದಯದ ಧನ್ಯವಾದ ಸಮರ್ಪಿಸುತ್ತಿದೆ.
ವಾಸು ಕುಲಾಲರಿಗೆ ಸಹಾಯ ಮಾಡಲಿಚ್ಚಿಸುವ ದಾನಿಗಳು ಈ ಕೆಳಗಿನ ಬ್ಯಾಂಕ್ ಖಾತೆಗೆ ಹಣ ಸಹಾಯ ಮಾಡಬಹುದು.
Mr.Vasu
Corporation Bank,
Tadambail branch,
Surathkal,
A/c num: 0241 0010 101 6198
IFSC Code: CORP0000241
mobile number: 9481 443390
