ಬೆಂಗಳೂರು : ದಕ್ಷಿಣ ಕನ್ನಡ ಕುಲಾಲ ಸಂಘ ಬೆಂಗಳೂರು ಇದರ 46ನೇ ಮಹಾಸಭೆ ಹಾಗೂ ವಾರ್ಷಿಕೋತ್ಸವ ಸಮಾರಂಭ ಫೆ. 21ರಂದು ಅಂದ್ರಹಳ್ಳಿ ಮಹಾಕಾಳಿ ಬಡಾವಣೆಯಲ್ಲಿರುವ ಮಂಜುನಾಥ ಸಭಾಂಗಣದಲ್ಲಿ ನಡೆಯಲಿದೆ.
ಬೆಳಿಗ್ಗೆ ೯.೩೦ಕ್ಕೆ ಆರಂಭವಾಗಲಿರುವ ಸಭೆಯು ಸಂಘದ ಅಧ್ಯಕ್ಷ ಎ ನಾರಾಯಣ ಅವರ ಅಧ್ಯಕ್ಷತೆಯಲ್ಲಿ ನಡೆಯಲಿದ್ದು, ಕಾರ್ಯಕ್ರಮವನ್ನು ಮಾಣಿಲ ಮೋಹನದಾಸ ಸ್ವಾಮೀಜಿ ದೀಪ ಬೆಳಗಿಸಿ ಉದ್ಘಾಟಿಸಿ ಆಶೀರ್ವಚನ ನೀಡಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಅಖಿಲ ಭಾರತ ಕುಂಭೆಶ್ವರ ಸೇವಾ ಟ್ರಸ್ಟ್ ನ ರಾಜ್ಯಾಧ್ಯಕ್ಷ ಆರ್ ಶ್ರೀನಿವಾಸ್ , ಮಂಗಳೂರು ದಾಸ್ ಪ್ರಮೊಷನ್ಸ್ ನ ಅನಿಲ್ ದಾಸ್, ಬಿಬಿಎಂಪಿ ಸದಸ್ಯರಾದ ವಾಸುದೇವ ಹಾಗೂ ಕೆ. ವಿ ರಾಜೇಂದ್ರ ಕುಮಾರ್ ಭಾಗವಹಿಸಲಿದ್ದಾರೆ.
ಸಮಾರಂಭದಲ್ಲಿ ಛಾಯಾ ಚಿತ್ರಗ್ರಾಹಕ ಕೇಶವ ವಿಟ್ಲ ಹಾಗೂ ಪಿಎಚ್ ಡಿ ಪದವೀಧರೆ ವಿಜೇತಾ ವಿಜೇಶ್ ಅವರಿಗೆ ಸನ್ಮಾನ ಹಾಗೂ ಮನೋರಂಜನ ಕಾರ್ಯಕ್ರಮಗಳು ನಡೆಯಲಿದೆ.
