ಬಂಟ್ವಾಳ : ತಾಲೂಕಿನ ಕೈಯೂರು-ಮಂಚಿಯಲ್ಲಿರುವ ಕುಲಾಲ ಶ್ರೀಯಾನ್ ಕುಟುಂಬಸ್ಥರ ಆದಿಮೂಲ ಕ್ಷೇತ್ರದ ನಾಗಬ್ರಹ್ಮ , ಮಲರಾಯ ಮತ್ತು ಕಲ್ಲುರ್ಟಿ ಪರಿವಾರ ದೈವಗಳ ಪುನಃ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ , ನಾಗದರ್ಶನ ಮತ್ತು ೨೯ನೇ ವಾರ್ಷಿಕ ಮಹೋತ್ಸವವು ಕ್ಷೇತ್ರದಲ್ಲಿ ಜನವರಿ 18ರಿಂದ 21ರವರೆಗೆ ನಡೆಯಲಿದೆ.
ಪ್ರತಿಷ್ಠಾ ಬ್ರಹ್ಮಕಲಶೋತ್ಸವದ ವಿವಿಧ ಕಾರ್ಯಕ್ರಮಗಳು ಬ್ರಹ್ಮಶ್ರೀ ಬಡಾಜೆ ಬೂಡು ಗೋಪಾಲಕೃಷ್ಣ ತಂತ್ರಿಗಳ ಪೌರೋಹಿತ್ಯದಲ್ಲಿ ನಡೆಯಲಿದ್ದರೆ, ನಾಗಪಾತ್ರಿ ಸಗ್ರಿ ಗೋಪಾಲಕೃಷ್ಣ ಸಾಮಗ ಅವರಿಂದ ನಾಗದರ್ಶನ ನಡೆಯಲಿರುವುದು.
೨೦೧೪ರ ಮೇ ೧೧ರಂದು ಕ್ಷೇತ್ರದಲ್ಲಿ ನಾಗಬ್ರಹ್ಮ ಸಾನದ ಸಪರಿವಾರ ದೇವರ ಸಹಿತ ಬ್ರಹ್ಮ ಕಲಶೋತ್ಸವದೊಂದಿಗೆ ಪುನರ್ ಪ್ರತಿಷ್ಟಾನದ ಕಾರ್ಯ ನಡೆದಿದ್ದು, ಇದೀಗ ನೂತನವಾಗಿ ಲಕ್ಷಾಂತರ ರೂಪಾಯಿ ವೆಚ್ಚದಲ್ಲಿ ದೈವಗಳ ಶಿಲಾಮಯ ಗರ್ಭಗುಡಿ, ತಾಮ್ರದ ಹೊದಿಕೆಯ ಮಾಡಿನ ಕೆಲಸ, ಗೋಪುರ ಮತ್ತು ಪೌಳಿಯ ಕೆಲಸಗಳು ಭರದಿಂದ ನಡೆಯುತ್ತಿದೆ. ಈಗಾಗಲೇ ಎಲ್ಲಾ ಕಾರ್ಯಗಳು ಮುಕ್ತಾಯ ಹಂತದಲ್ಲಿದೆ.
ನಿರ್ಮಾಣ ಹಂತದಲ್ಲಿರುವ ವಿವಿಧ ಕಾಮಗಾರಿಗಳ ನೋಟ…
