ಮಂಗಳೂರು : ಕಾಸರಗೋಡು ಕುಲಾಲ ಸುಧಾರಕ ಸಂಘ ಇದರ ಮಂಜೇಶ್ವರ ಶಾಖೆಯ ವತಿಯಿಂದ ಅಂತರ್ ಜಿಲ್ಲಾ ಮಟ್ಟದ ಹಗ್ಗ ಜಗ್ಗಾಟ ಪಂದ್ಯಾಟ 2016, ಮಾರ್ಚ್ 6 ರಂದು ನಡೆಯಲಿದೆ.
ಕಾಸರಗೋಡು, ದ.ಕ ಮತ್ತು ಉಡುಪಿ ಜಿಲ್ಲಾ ಮಟ್ಟದ ಪುರುಷರ ಗ್ರಿಪ್ ವಿಭಾಗದ ಹಗ್ಗ ಜಗ್ಗಾಟ ಪಂದ್ಯಾಟ `ಕುಲಾಲ ಟ್ರೋಫಿ-2016′ ಮಾರ್ಚ್ 6ರ ರವಿವಾರ ಸಂಜೆ ಮಂಜೇಶ್ವರ ಹೊಸಬೆಟ್ಟು ಕುಲಾಲ ಮಂದಿರ ವಟಾರದಲ್ಲಿ ನಡೆಯಲಿದೆ. ಪಂದ್ಯಾಟಕ್ಕೆ 350 ರೂ. ಪ್ರವೇಶ ಶುಲ್ಕ ನಿಗದಿಪಡಿಸಲಾಗಿದ್ದು, ಪ್ರಥಮ ಬಹುಮಾನ 8008 ರೂ ಮತ್ತು ಕುಲಾಲ ಟ್ರೋಫಿ ಸೇರಿದಂತೆ ಒಟ್ಟು ಆರು ಬಹುಮಾನ ನೀಡಲಾಗುವುದು ಎಂದು ಸಂಘಟಕರು ತಿಳಿಸಿದ್ದಾರೆ.
