ದೋಹಾ :ಕುಲಾಲ ಫ್ರೆಂಡ್ಸ್ ನ ಹೊರಾಂಗಣ ವಿಹಾರಕೂಟವು ಡಿಸೆಂಬರ್ ೧೮, ಶುಕ್ರವಾರದಂದು ಆಯೋಜಿಸಲಾಗಿತ್ತು. ದೋಹಾ ಕತಾರ್ ನ ರಾಷ್ಟ್ರೀಯ ದಿನವಾದ ಅಂದು ಬಹುಸಂಖ್ಯೆಯಲ್ಲಿ ಕುಲಾಲರು ಒಂದುಗೂಡಿ ದೋಹಾದ ಹೊರವಲಯದಲ್ಲಿರುವ ಬರ್ಝಾನ್ ಒಲಿಂಪಿಕ್ ಉದ್ಯಾನವನದಲ್ಲಿ ವಿಹಾರಕೂಟ ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ನಡೆಸಿಕೊಟ್ಟರು.
ಹಿತಕರವಾದ ಹವಾಮಾನ ಕಾರ್ಯಕ್ರಮ ಅದ್ಧೂರಿಯಾಗಿ ನಡೆಸಲು ಹಾಗೂ ಎಲ್ಲಾ ಸದಸ್ಯರು ಅತ್ಯುತ್ಸಾಹದಿಂದ ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಲು ಉತ್ತೇಜನವನ್ನು ನೀಡಿತು. ಕುಲಾಲ ಮುಖಂಡ ಆನಂದ ಕುಂಬಾರ ಅವರ ನೇತೃತ್ವದಲ್ಲಿ ಜರಗಿದ ಈ ವಿಹಾರ ಕೂಟದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸಮಾಜ ಬಾಂಧವರು ಪಾಲ್ಗೊಂಡು ಸಂಭ್ರಮಿಸಿದರು. ಮುಂಜಾನೆ ೯.೩೦ ಕ್ಕೆ ಆರಂಭವಾದ ಕೂಟದಲ್ಲಿ ವಿಹಾರಾರ್ಥಿಗಳಿಗೆ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿದ್ದು, ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಬಹುಮಾನಗಳನ್ನು ನೀಡಲಾಯಿತು. ಇದೇ ಸಂದರ್ಭದಲ್ಲಿ ಸಮಾಜದ ಬಡ ಕುಟುಂಬಕ್ಕೆ ಆರ್ಥಿಕ ಸಹಾಯ ನೀಡುವ ಸಲುವಾಗಿ ದತ್ತಿನಿಧಿಗೆ ಹಣ ಸಂಗ್ರಹ ನಡೆಸಲಾಯಿತು.
