ಕುಂಬಾರ/ಕುಲಾಲ ಸಮಾಜದ ಪ್ರಗತಿಗೆ ಶ್ರಮಿಸಿದವರಲ್ಲಿ ದಿ. ಬಿ. ಮಹಾಬಲ ಹಾಂಡ ಅವರೂ ಪ್ರಮುಖರು. ಮೂಲತಃ ಕುಂದಾಪುರ ತಾಲೂಕಿನ ಬಾಲೋಡಿಯವರಾದ ಹಾಂಡ ಪೊಲೀಸ್ ಇಲಾಖೆಯ ಉದ್ಯೋಗಿಯಾಗಿದ್ದರು. ಮಂಗಳೂರು ಬಂದರು ಪೊಲೀಸ್ ಠಾಣೆ ಅಹಿತ ಹಲವು ಕಡೆ ಸಹಾಯಕ ಸಬ್ ಇನ್ಸ್ ಪೆಕ್ಟರ್ (ಎಎಸ್ಸೈ) ಆಗಿದ್ದ ಮಹಾಬಲ ಹಾಂಡ ಮಣ್ಣಗುಡ್ಡೆಯಲ್ಲಿ ನೆಲೆಸಿದ್ದರು.
ಕರ್ನಾಟಕ ರಾಜ್ಯ ಕುಂಬಾರರ ಮಹಾ ಸಂಘದ ಸ್ಥಾಪಕ ಸದಸ್ಯ ಹಾಗೂ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದ ಮಹಾಬಲ ಹಾಂಡ ಅವರು ಸಿದ್ಧಾಪುರದ ಚಿತ್ತೇರಿ ಶ್ರೀ ಬ್ರಹ್ಮಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರರಾಗಿ, ಮಂಗಳೂರು ಶ್ರೀದೇವಿ ದೇವಸ್ಥಾನ ಮತ್ತು ಕುಲಶೇಖರದ ಶ್ರೀ ವೀರ ನಾರಾಯಣ ದೇವಸ್ಥಾನದ ಜೀರ್ಣೋದ್ಧಾರದ ಮೂಲ ಪ್ರೇರಕರು ಹಾಗೂ ನಾಯಕತ್ವವನ್ನು ವಹಿಸಿದ್ದರು. ದ.ಕ. ಜಿಲ್ಲಾ ಮೂಲ್ಯರ ಯಾನೆ ಕುಲಾಲರ ಸಂಘ (ಮಾತೃ ಸಂಘ)ದ ಅಧ್ಯಕ್ಷರಾಗಿ 3 ವರ್ಷ ಕಾಲ ಮುನ್ನಡೆಸಿದ್ದರು. ಅಲ್ಪ ಕಾಲದ ಅಸೌಖ್ಯದಿಂದ ಬಳಲಿದ ಅವರು ೨೦೧೧ರ ಸೆಪ್ಟೆಂಬರ್ ೨೩ರಂದು ನಿಧನರಾದರು.
