ಉಡುಪಿ(ನ.೨೧, ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಸಮಾಜಕ್ಕೆ ನಿಸ್ವಾರ್ಥ ಸೇವೆ ಸಲ್ಲಿಸುತ್ತಿರುವ ಕುಲಾಲ ಸಮುದಾಯದ ಮುಖವಾಣಿ `ಕುಲಾಲ್ ವರ್ಲ್ಡ್ ಡಾಟ್ ಕಾಮ್’ ವೆಬ್ ಸೈಟ್ ನ ಸಾಮಾಜಿಕ ಹಾಗೂ ಮಾಧ್ಯಮ ಸೇವೆಯನ್ನು ಗುರುತಿಸಿ ಪೆರ್ಡೂರು ಕುಲಾಲ ಸಂಘದ ವತಿಯಿಂದ ನೀಡಲಾಗುವ ಗೌರವ ಪುರಸ್ಕಾರಕ್ಕೆ ಆಯ್ಕೆ ಮಾಡಲಾಗಿದೆ.
ವಿವಿಧ ಕ್ಷೇತ್ರಗಳಲ್ಲಿ ಮಾಡಿದ ಗಣನೀಯ ಸಾಧನೆಯನ್ನು ಗುರುತಿಸಿ ನೀಡಲಾಗುತ್ತಿರುವ ಈ ಗೌರವ ಪುರಸ್ಕಾರಕ್ಕೆ ಒಟ್ಟು ಹದಿಮೂರು ಮಂದಿಯನ್ನು ಆಯ್ಕೆ ಮಾಡಲಾಗಿದ್ದು, ಇದರಲ್ಲಿ ದಿನೇಶ್ ಬಂಗೇರ ಇರ್ವತ್ತೂರು ನೇತೃತ್ವದ `ಕುಲಾಲ್ ವರ್ಲ್ಡ್ ಡಾಟ್ ಕಾಮ್’ ವೆಬ್ ಸೈಟ್ ಕೂಡ ಒಂದಾಗಿದೆ.
ಪೆರ್ಡೂರು ಕುಲಾಲ ಸಂಘವು ಹತ್ತು ವರ್ಷ ಪೂರೈಸುತ್ತಿರುವ ಹಿನ್ನೆಲೆಯಲ್ಲಿ ಡಿಸೆಂಬರ್ 23ರಂದು ನಡೆಯುವ ” ಕುಲಾಲ ಸಂಭ್ರಮ 2018” ಬೃಹತ್ ಸಮಾವೇಶ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮದಂದು ಅತಿಥಿ ಗಣ್ಯರ ಸಮ್ಮುಖದಲ್ಲಿ ಈ ಗೌರವ ಪುರಸ್ಕಾರ ಪ್ರದಾನ ಸಮಾರಂಭ ನಡೆಯಲಿದೆ.
ಗೌರವ ಪುರಸ್ಕಾರಕ್ಕೆ ಆಯ್ಕೆ ಆಗಿರುವ ಇತರರ ವಿವರ :
* ಡಾ. ಪುಷ್ಪರಾಜ್, ನರಶಾಸ್ತ್ರ ವಿಭಾಗ ವೈದ್ಯರು ಹಾಗೂ ರಾಷ್ಟ್ರಪತಿ ಚಿನ್ನದ ಪದಕ ಪುರಸ್ಕೃತರು
* ಡಾ. ಸಂದೀಪ್ ಕೆ.ವಿ ಬೈರಂಪಳ್ಳಿ, ರಿಸರ್ಚ್ ಅಸಿಸ್ಟೆಂಟ್, CSIR, ತಿರುವನಂತಪುರಂ
* `ತುಳುನಾಡ ತುಳುಶ್ರೀ’ ರಮಾ ಬಿ.ಸಿ ರೋಡ್, ರಂಗಭೂಮಿ ನಟ
* ತಿಮ್ಮಪ್ಪ ಕುಲಾಲ್ ಬಿ.ಸಿ ರೋಡ್, ಚಾಪರ್ಕ ಕಲಾವಿದರು, ರಂಗಭೂಮಿ ನಟ
* ವಿದ್ಯಾಭರಣ ಬೆಂಗಳೂರು, ಚಲನಚಿತ್ರ ನಟ
* ಶೇಖರ ಕುಲಾಲ್, ಕೆಇಎಸ್ ನಿವೃತ್ತ ಜಂಟಿ ನಿರ್ದೇಶಕರು, ಸಾಮಾಜಿಕ ಶಿಕ್ಷಣ ಇಲಾಖೆ, ಮೈಸೂರು ವಿಭಾಗ, ಮೈಸೂರು
* ಎಚ್ ಡಿ ಕುಲಾಲ್, ನಿವೃತ್ತ ಎನ್ ಸಿಓ ಭಾರತೀಯ ವಾಯುಸೇನೆ, ೧೯೭೧
*ಪೆರ್ಡೂರು ಕುಂಬಾರರ ಗುಡಿಕೈಗಾರಿಕಾ ಸಂಘ , ರಾಜ್ಯಮಟ್ಟದ ಅತ್ಯುತ್ತಮ ಸಹಕಾರಿ ಸಂಘ ಪ್ರಶಸ್ತಿ ಪುರಸ್ಕೃತ ಸಂಸ್ಥೆ(೨೦೧೭-೧೮)
* ಬೊಗ್ಗು ಕುಲಾಲ್ ಬೆಳ್ಳಂಪಳ್ಳಿ, `ಬನ್ನಂಜೆ ಬಾಬು ಅಮೀನ್’ ಪ್ರಶಸ್ತಿ ಪುರಸ್ಕೃತ ಕುಂಬಾರಿಕಾ ವೃತ್ತಿ ನಿರತರು
* ರಾಜೇಶ್ ಕುಲಾಲ್ ಮುಗುಳಿ, ಮಜಾಭಾರತ ಖ್ಯಾತಿಯ ರಂಗಭೂಮಿ ಮತ್ತು ಚಲನಚಿತ್ರ ನಟ
* ಚಿದಂಬರ ಬೈಕಂಪಾಡಿ, ಕರ್ನಾಟಕ ಮಾಧ್ಯಮ ಅಕಾಡೆಮಿ ಪುರಸ್ಕೃತ ಹಿರಿಯ ಪತ್ರಕರ್ತರು
* ರುಕ್ಮಯ ಮೂಲ್ಯ ಪಾವಂಜೆ, ಹಿರಿಯ ಪ್ರಗತಿಪರ ಕೃಷಿಕರು
