ಕಾಸರಗೋಡು(ಕುಲಾಲ್ ವರ್ಲ್ಡ್ ಡಾಟ್ ಕಾಮ್) : ಕೂಲಿ ಕೆಲಸ ಮಾಡುತ್ತಿದ್ದ ವೇಳೆ ಎಡವಿಬಿದ್ದು ಕುಂಜಾರು ಪಕೀರ ಮೂಲ್ಯ(45) ಎಂಬವರು ಆಸ್ಪತ್ರೆಯಲ್ಲಿ ಚಿಕಿತ್ಸೆಯಲ್ಲಿದ್ದಾರೆ. ಆರ್ಥಿಕ ಸಂಕಷ್ಟವನ್ನು ಎದುರಿಸುತ್ತಿರುವ ಕುಟುಂಬಕ್ಕೆ ಈ ಘಟನೆಯಿಂದ ಜೀವನ ನಿರ್ವಹಣೆಗೆ ಕಷ್ಟಕರವಾಗಿದ್ದು ದಾನಿಗಳ ಸಹಾಯದ ನಿರೀಕ್ಷೆಯಲ್ಲಿದ್ದಾರೆ.
ಕಾಸರಗೋಡು ಜಿಲ್ಲೆಯ ಬದಿಯಡ್ಕ ಗ್ರಾಮಪಂಚಾಯತ್ 16ನೇ ವಾರ್ಡ್ ಬಿಮರೆನಡ್ಕದಲ್ಲಿ ವಾಸಿಸುತ್ತಿರುವ ಬೇಳ ಕುಂಜಾರು ಮಂಜಪ್ಪ ಮೂಲ್ಯರ ಪುತ್ರ ಪಕೀರ ಮೂಲ್ಯ ಎಂಬವರು ತಿಂಗಳ ಹಿಂದೆ ಎಂದಿನಂತೆ ಕೂಲಿ ಕೆಲಸವನ್ನು ಮಾಡುತ್ತಿದ್ದ ವೇಳೆ ಎಡವಿಬಿದ್ದು ಕಾಲಿನ ತೊಡೆಯ ಎಲುಬು ತುಂಡಾಗಿದೆ. ಅದನ್ನು ಆಪರೇಷನ್ ಮೂಲಕ ಸರಿಪಡಿಸಲಾಗಿದ್ದು, ಈಗ ಅದೇ ಕಾಲಿಗೆ ಜೋಡಿಸಿದ ಸ್ಟೀಲ್ ರಾಡ್ ಮುರಿದಿರುವುದರಿಂದ ಪುನಃ ಆಪರೇಶನ್ ಮಾಡಬೇಕಾದ ಅನಿವಾರ್ಯತೆ ಬಂದೊದಗಿದೆ.
ಪತ್ನಿ ಕಲಾವತಿ ಹಾಗೂ ಬೇಳ ಶಾಲೆಯ 5ನೇ ತರಗತಿಯಲ್ಲಿ ಕಲಿಯುತ್ತಿರುವ ಪುತ್ರಿ ಜೊತೆಗೆ ವಾಷಿಸುತ್ತಿರುವ ಪಕೀರ ಮೂಲ್ಯರಿಗೆ ಈಗ ಕುಟುಂಬ ನಿರ್ವಹಣೆಯೇ ಕಷ್ಟಕರವಾಗಿ ಪರಿಣಮಿಸಿರುವ ಸಂದರ್ಭದಲ್ಲಿ ಅಪರೇಶನ್ ವೆಚ್ಚವನ್ನು ಸರಿದೂಗಿಸಲು ಕಷ್ಟಕರವಾಗಿದೆ. ಒಂದು ಹೊತ್ತಿನ ಊಟ ಸಿಗಬೇಕಾದರೆ ದುಡಿದೇ ಆಗಬೇಕಿದೆ. ಅಪರೇಶನ್ ಗೆ ಅಂದಾಜು 60 ಸಾವಿರದಿಂದ 1 ಲಕ್ಷ ರೂ ತನಕ ವೆಚ್ಚ ತಗಲಬಹುದು ಹಾಗೂ ನಂತರ 2 ತಿಂಗಳ ವಿಶ್ರಾಂತಿಯ ಅಗತ್ಯವಿದೆ ಎಂದು ಅವರು ಈಗ ಚಿಕಿತ್ಸೆಯಲ್ಲಿರುವ ಮಂಗಳೂರಿನ ಎ.ಜೆ.ಆಸ್ಪತ್ರೆಯ ವೈದ್ಯರು ತಿಳಿಸಿದ್ದಾರೆ.
ತಮ್ಮ ಕಷ್ಟವನ್ನು ಮನಗಂಡು ಸಹೃದಯಿ ದಾನಿಗಳು ಸಹಾಯವನ್ನು ನೀಡಬೇಕಾಗಿ ಕಲಾವತಿ ಅವರು ದೈನ್ಯದಿಂದ ಕೇಳಿಕೊಳ್ಳುತ್ತಿದ್ದಾರೆ. ಸಹಾಯ ನೀಡುವ ದಾನಿಗಳು ಕಲಾವತಿ, ಕರ್ನಾಟಕ ಬ್ಯಾಂಕ್, ನೀರ್ಚಾಲು ಶಾಖೆ, ಖಾತೆ ನಂಬ್ರ : 5322500100927901, ಐಎಫ್ಎಸ್ಸಿ ಕೋಡ್ : ಕೆಎಆರ್ಬಿ0000532 ಹಣವನ್ನು ವಗರ್ಾಯಿಸಬೇಕಾಗಿ ಕೇಳಿಕೊಂಡಿದ್ದಾರೆ. ಸಂಪರ್ಕ ಸಂಖ್ಯೆ : 9946419401.
ನೀರ್ಚಾಲು ವ್ಯಾಪ್ತಿಯಲ್ಲಿ ಕಾರ್ಯಾಚರಿಸುತ್ತಿರುವ ನಿವೇದಿತಾ ಸೇವಾ ಮಿಶನ್ ವತಿಯಿಂದ ಆರ್ಥಿಕ ನಿಧಿ ಸಂಗ್ರಹಕ್ಕಾಗಿ ಅಭಿಯಾನವನ್ನು ಹಮ್ಮಿಕೊಂಡಿದ್ದು, ದಾನಿಗಳು ಸಹಕಾರವನ್ನು ನೀಡಿ ಸಹಕರಿಸಬೇಕಾಗಿ ಕೇಳಿಕೊಂಡಿದ್ದಾರೆ.(ಸಂಪರ್ಕ ಸಂಖ್ಯೆ: 94476 53359)
