ಡಿ.11ರಂದು ಕುಂದಾಪುರ ಕುಲಾಲ ಸಂಘ ಹಾಗೂ ಯುವವೇದಿಕೆ ಜಂಟಿ ಆಶ್ರಯದಲ್ಲಿ `ಕುಲಾಲ ಕ್ರೀಡೋತ್ಸವ-2016′

ಉಡುಪಿ(ನ.೨೧) : ಕುಂದಾಪುರ ಕುಲಾಲ ಸಮಾಜ ಸುಧಾರಕ ಸಂಘ ಮತ್ತು ಕರಾವಳಿ ಕುಲಾಲ ಯುವವೇದಿಕೆಯ ಜಂಟಿ ಆಶ್ರಯದಲ್ಲಿ ಕುಂದಾಪುರ ವಿಧಾನ ಸಭಾ ವ್ಯಾಪ್ತಿಯ ಕುಲ ಬಾಂಧವರಿಗಾಗಿ `ಕುಲಾಲ ಕ್ರೀಡೋತ್ಸವ-2016′ ಡಿಸೆ೦ಬರ್ 11ರಂದು ನಡೆಯಲಿದೆ.
`ಸಂಘಟನೆ ಮತ್ತು ಮನರಂಜನೆ’ ಎಂಬ ಧ್ಯೇಯೋದ್ದೇಶದೊಂದಿಗೆ ಕುಲಾಲ ಬಾಂಧವರೊಂದಿಗೆ ಬೆರೆಯುವ ಸಲುವಾಗಿ ಏರ್ಪಡಿಸಲಾಗುವ ಈ ಕ್ರೀಡೋತ್ಸವವು ಬಿದ್ಕಲ್ ಕಟ್ಟೆ ಸರಕಾರೀ ಪದವಿಪೂರ್ವ ಕಾಲೇಜು ಮೈದಾನದಲ್ಲಿ ನಡೆಯಲಿದ್ದು ಸಮಾಜದ ಪುರುಷರು ಮತ್ತು ಮಹಿಳೆಯರಿಗಾಗಿ ಕ್ರಿಕೆಟ್, ಹಗ್ಗಜಗ್ಗಾಟ, ಓಟದ ಸ್ಪರ್ಧೆಗಳು, ಸಂಗೀತ ಕುರ್ಚಿ ಮುಂತಾದ ಸ್ಪರ್ಧೆಗಳಿವೆ.
ಕ್ರೀಡೋತ್ಸವವನ್ನು ವೈದ್ಯ, ಕುಂದಾಪುರ ಕುಲಾಲ ಸಮಾಜ ಸುಧಾರಕ ಸಂಘದ ಗೌರವಾಧ್ಯಕ್ಷ `ಕುಲಾಲ-ರತ್ನ’ ಎಂ.ವಿ ಕುಲಾಲ್ ಉದ್ಘಾಟಿಸಲಿದ್ದಾರೆ. ಹೊಂಬಾಡಿ-ಮಂಡಾಡಿ ಕುಂದಾಪುರ ಕುಲಾಲ ಸಮಾಜ ಸುಧಾರಕ ಸಂಘದ ಅಧ್ಯಕ್ಷ ನಿರಂಜನ್ ಅಧ್ಯಕ್ಷತೆ ವಹಿಸಲಿದ್ದಾರೆ. ಅತಿಥಿಗಳಾಗಿ ಬಿದ್ಕಲ್ ಕಟ್ಟೆ ಸರಕಾರೀ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲ ಕರುಣಾಕರ ಶೆಟ್ಟಿ ಮೊಗೆಬೆಟ್ಟು, ಜಿಪ೦ ಸದಸ್ಯೆ ಸುಪ್ರೀತಾ ಕುಲಾಲ್, ಕುಲಾಲ ಮುಖಂಡರಾದ ಸತೀಶ್ ಕುಲಾಲ್ ನಡೂರು, ಹರೀಶ್ ಕುಲಾಲ್ ಕೆದೂರು, ಮಂಜುನಾಥ ಕುಲಾಲ್ ಜನ್ಸಾಲೆ, ಉದಯ್ ಕುಲಾಲ್ ಬೆಳಗೋಡು, ನರಸಿಂಹ ಕುಲಾಲ್ ವಕ್ವಾಡಿ ಮುಂತಾದವರು ಭಾಗವಹಿಸಲಿದ್ದಾರೆ.