ಮುಂಬಯಿ(ಜ.೧೫,ಕುಲಾಲ್ ವರ್ಲ್ಡ್ ನ್ಯೂಸ್): ಕುಲಾಲ ಸಂಘ , ಮುಂಬಯಿಯ ಇದರ ಮೀರಾರೋಡ್-ವಿರಾರ್ ಸ್ಥಳೀಯ ಸಮಿತಿ ಮಹಿಳಾ ವಿಭಾಗದ ವತಿಯಿಂದ ಅರಸಿನ ಕುಂಕುಮ ಕಾರ್ಯಕ್ರಮ ಜನವರಿ ೧೪ರಂದು ಭಾಯಂದರ್ ನ ಬಿಲ್ಲವರ ಅಸೋಸಿಯೇಷನ್ ಸಭಾಗ್ರಹದಲ್ಲಿ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಯಂದರ್ ಡಿವೈನ್ ಪಾರ್ಕ್ ನ ಶೋಭಾ ಗಂಗಾಧರ ಹಾಗೂ ಜ್ಯೋತಿ ಪೂಜಾರಿ ಭಾಗವಹಿಸಿದ್ದರು.
ಅತಿಥಿಗಳಾಗಿ ಕುಲಾಲ ಸಂಘ. ಮುಂಬಯಿ, ಇದರ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಮಮತಾ ಗುಜರನ್, ಕಾರ್ಯದರ್ಶಿ ಮಾಲತಿ ಅಂಚನ್, ಸ್ಥಳೀಯ ಸಮಿತಿ ಥಾಣೆ-ಕಸಾರ‌ದ ಅಧ್ಯಕ್ಷೆ ಉಮಾವತಿ ಸಾಲ್ಯಾನ್, ನವಿಮುಂಬಯಿ ಸಮಿತಿಯ ಅದ್ಯಕ್ಷೆ ಶಶಿಕಲಾ ಮೂಲ್ಯ ಹಾಗೂ ಸದಸ್ಯೆ ದೇವಕಿ ಸಾಲ್ಯಾನ್, ಆಶಾ ವಾಮನ್, ವಿನೋದ ಎಸ್. ಮೂಲ್ಯ ಭಾಗವಹಿಸಿದ್ದರು.
ಮೀರಾರೋಡ್-ವಿರಾರ್ ಮಹಿಳಾ ವಿಭಾಗದ ಅದ್ಯಕ್ಷೆ ಸುರೇಖ ಆರ್. ಬಂಗೇರ, ಉಪಾಧ್ಯಕ್ಷೆ ಗೀತಾ ವೈ.ಬಂಗೇರ, ಕಾರ್ಯದರ್ಶಿ ರಸಿಕಾ ಚಂದ್ರಹಾಸ ಮೂಲ್ಯ, ಕೋಶಾಧಿಕಾರಿ ಪ್ರೇಮ ಪಿ. ಕುಲಾಲ್ ಇವರ ಮುಂದಾಳುತ್ವದಲ್ಲಿ ನಡೆದ ಅರಸಿನ ಕುಂಕುಮ ಕಾರ್ಯಕ್ರಮವು ಪ್ರಾರ್ಥನೆಯೊಂದಿಗೆ ಪ್ರಾರಂಭಗೊಂಡಿತು. ಅತಿಥಿಗಳು ಸಾಂಧರ್ಭಿಕವಾಗಿ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು. ಮೀರಾರೋಡ್-ವಿರಾರ್ ಪರಿಸರದ ಸಮಾಜದ ನೂರಾರು ಮಹಿಳೆಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು. ರಸಿಕಾ ಮೂಲ್ಯ ಅತಿಥಿಗಣ್ಯರನ್ನು ಸ್ವಾಗತಿಸಿದರು. ಅಧ್ಯಕ್ಷೆ ಸುರೇಖ ಬಂಗೇರ ಅತಿಥಿಗಳನ್ನು ಶಾಲು, ಪುಷ್ಪ ಗುಚ್ಛೆಯೊಂದಿಗೆ ಸನ್ಮಾನಿಸಿದರು.
ಜಯಂತಿ ಉಮೇಶ್ ಬಂಗೇರ ಕಾರ್ಯಕ್ರಮ ನಿರೂಪಿಸಿದರು. ಪ್ರಮೀಳ ಬಂಜನ್, ಸುಜಾತ ಸಾಲ್ಯಾನ್ ನಾಲಾಸೋಪಾರ, ಸಾವಿತ್ರಿ ಎಸ್.ಬಂಗೇರ, ಲತಾ ಸೀತಾರಾಮ್, ‘ಕುಲಾಲ್ ವರ್ಲ್ಡ್’ ನ ಸಕ್ರಿಯ ಕಾರ್ಯಕರ್ತೆ ರೇಣುಕಾ ಸಾಲ್ಯಾನ್ ಮೀರಾರೋಡ್, ಲತಾ ಯಶೋಧರ ಬಂಗೇರ ಸಹಕರಿಸಿದರು. ಪ್ರೇಮ ಪಿ.ಕುಲಾಲ್ ವಂದಿಸಿದರು.
ಕಾರ್ಯಕ್ರಮದ ಮೊದಲು ಮಹಿಳೆಯರಿಂದ ಭಜನೆ ಹಾಗೂ ಕಾರ್ಯಕ್ರಮದ ನಂತರ ವಿವಿಧ ಸ್ಪರ್ಧಾವಳಿ ನಡೆಯಿತು.
