ಮಂಗಳೂರು : ಕುಳಾಯಿ ಕುಲಾಲ ಸಂಘ ಹಾಗೂ ಕುಲಾಲ ಮಹಿಳಾ ಮಂಡಲದ ವತಿಯಿಂದ `ಆಟಿ-ಒಂಜಿ ನೆಂಪು’ ಕಾರ್ಯಕ್ರಮವು ಕುಳಾಯಿ ಶ್ರೀ ವೆಂಕಟರಮಣ ಹಿ. ಪ್ರಾ. ಶಾಲೆಯಲ್ಲಿ ಜು. ೨೪ರಂದು ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ನಡೆಯಿತು.
ಕಾರ್ಯಕ್ರಮದಲ್ಲಿ ಆಟಿ ತಿಂಗಳ ವಿಶೇಷತೆ ಕುರಿತು ಬಾಲಕೃಷ್ಣ ಸಾಲ್ಯಾನ್ ಕಂಪ ಕುತ್ತಾರು ಅವರು ಮಾತನಾಡಿದರು. ಕುಮಾರ್ ಕುಲಾಲ್ ಕಾವಿನಕಲ್ಲು, ಕುಲಾಲ ಕುಂಬಾರ ಯುವ ವೇದಿಕೆಯ ಗಣೇಶ್ ಎಂ, ಐಕಳ ಪಂಚಾಯ್ತ್ ಸದಸ್ಯ ಸುಧಾಕರ ಸಾಲ್ಯಾನ್ ಸಂಕಲಕರಿಯ, ಉದ್ಯಮಿ ಬಾಲಕೃಷ್ಣ ಶಿಬರೂರು, ನಾಗೇಶ್ ಕುಲಾಲ್ ಮುಂತಾದ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಕುಲಾಲ ಮಹಿಳಾ ಮಂಡಲದ ಅಧ್ಯಕ್ಷೆ ಬೇಬಿ ಪದ್ಮನಾಭ ಕಾರ್ಯಕ್ರಮ ನಡೆಸಿಕೊಟ್ಟರು. ಆಟಿ ತಿಂಗಳ ವಿವಿಧ ಮನರಂಜನಾ ಕಾರ್ಯಕ್ರಮಗಳು ಮಧ್ಯಾಹ್ನ ಸಹಭೋಜನಾ ಕಾರ್ಯಕ್ರಮ ನಡೆಯಿತು.
