ಮಂಗಳೂರು : ಸುರತ್ಕಲ್ ಕುಲಾಲ ಸಂಘದ ವತಿಯಿಂದ ಸ್ವಜಾತಿ ವಿದ್ಯಾರ್ಥಿಗಳಿಗೆ ಪುಸ್ತಕ ವಿತರಣೆ ಹಾಗೂ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಅತ್ಯಧಿಕ ಅಂಕ ಪಡೆದ ವಿದ್ಯಾರ್ಥಿಗಳಿಗೆ ಸನ್ಮಾನ ಸಮಾರಂಭವು ಇತ್ತೀಚೆಗೆ ತಡಂಬೈಲ್ ನ ಸಂಘದ ಭವನದಲ್ಲಿ ಜರುಗಿತು. ಸಂಘದ ಅಧ್ಯಕ್ಷ ಸುಧಾಕರ ಎನ್ ಕುಲಾಲ್ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಮಂಗಳೂರು ವಿವಿ ಪ್ರೊಫೆಸರ್ ಡಾ. ಯತೀಶ್ ಕುಮಾರ್, ಬಿ ರಾಮಚಂದ್ರ ರಾವ್ ಭಾಗವಹಿಸಿದ್ದರು. ಸಂಘದ ಪದಾಧಿಕಾರಿಗಳಾದ ಹೂವಯ್ಯ ಅಂಚನ್, ವಾಸು ಬಂಜನ್, ಸುಂದರ್ ಬಂಗೇರ, ಶಿವಾನಂದ ತಡಂಬೈಲ್, ರಮಾನಂದ ಗುಜರನ್ , ಜಗದೀಶ್, ಸುನಿಲ್ ಕೃಷ್ಣಾಪುರ , ಜ್ಯೋತಿ ಕೆ, ಹರಿಣಾಕ್ಷಿ, ಸಂಗೀತಾ, ಇಂದಿರಾ ಮುಂತಾದವರು ಉಪಸ್ಥಿತರಿದ್ದರು.
