ಮಂಗಳೂರು : ಸ್ವರ್ಣ ಕುಂಭ ವಿವಿಧೋದ್ದೇಶ ಸಹಕಾರಿ ಸಂಘ (ನಿ.) ತಡಂಬೈಲ್, ಸುರತ್ಕಲ್ ಇದರ ನೂತನ ಅಧ್ಯಕ್ಷರಾಗಿ ನಾಗೇಶ್ ಕುಲಾಲ್ ಕುಳಾಯಿ ಆಯ್ಕೆಯಾಗಿದ್ದಾರೆ. ಇತ್ತೀಚೆಗೆ ಸಂಘದ ಕಚೇರಿಯಲ್ಲಿ ಮುಂದಿನ ನಾಲ್ಕು ವರ್ಷಗಳ ಅವಧಿಗೆ ನೂತನ ಪದಾಧಿಕಾರಿಗಳ ಹುದ್ದೆ ಆಯ್ಕೆಗಾಗಿ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷರಾಗಿ ನಾಗೇಶ್ ಕುಲಾಲ್ ಕುಳಾಯಿ, ಉಪಾಧ್ಯಕ್ಷರಾಗಿ ಮಾಧವ ಬಂಗೇರ ಕೃಷ್ಣಾಪುರ ಆಯ್ಕೆಯಾದರು. ಸಹಕಾರಿ ಸಂಘದ ನಿರ್ದೇಶಕರಾಗಿ ಮುದ್ದು ಮೂಲ್ಯ ತಡಂಬೈಲ್, ಮೋಹನ್ ಮೂಲ್ಯ ಜೋಕಟ್ಟೆ, ಗಂಗಾಧರ ಕುಳಾಯಿ, ಭೋಜ ಬಂಗೇರ ಮುಂಚೂರು, ಮುರಳಿದಾಸ್ ಕುಲಾಲ್ ಬಾಳ, ತಿಮ್ಮಯ್ಯ ತೊಕೂರು, ಉಷಾ ಬಂಗೇರ ಸುರತ್ಕಲ್, ರತ್ನಾವತಿ ಚೊಕ್ಕಬೆಟ್ಟು ಆಯ್ಕೆಗೊಂಡರು.
ಚುನಾವಣಾ ಅಧಿಕಾರಿಯಾಗಿ ಸಮಗ್ರ ಗಿರಿಜನ ಅಭಿವೃದ್ಧಿ ಯೋಜನೆ ಇದರ ವಿಸ್ತರಣಾಧಿಕಾರಿ ಎಂ ಸಿ ಸೋಮಶೇಖರ್ ಅವರು ಕಾರ್ಯನಿರ್ವಹಿಸಿದರು. ಸಂಘದ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ಸಂಜೀವ ಮೂಲ್ಯ ಉಪಸ್ಥಿತರಿದ್ದರು.
