ಕಾರ್ಕಳ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಹೊಸ್ಮಾರು ಈದು ಸ್ಮಶಾನ ಬಳಿಯಲ್ಲಿ ತಳ್ಳುಗಾಡಿಯ ಗೂಡು ಅಂಗಡಿಗಳ ಬೀಗ ತುಂಡರಿಸಿ ನಗದು, ಗ್ಯಾಸ್ ಸಿಲಿಂಡರ್, ಇತರ ಪರಿಕರಗಳನ್ನು ಹಾಗೂ ನಗದು ಕಳವುಗೈದಿರುವ ಘಟನೆ ಬೆಳಕಿಗೆ ಬಂದಿದೆ.
ಈದು ಗ್ರಾಮದ ವಸಂತ ಕುಲಾಲ್ ಎಂಬವರು ಮಣ್ಣಿನಿಂದ ಸಿದ್ಧಪಡಿಸಿದ ಮಡಿಕೆ ಹಾಗೂ ಇತರ ಪರಿಕರಗಳನ್ನು ಮಾರಾಟ ಮಾಡುವ ಸಲುವಾಗಿ ತಳ್ಳುಗಾಡಿಯ ಗೂಡು ಅಂಗಡಿ ವ್ಯಾಪಾರ ಕೇಂದ್ರ ಆರಂಭಿಸಲು ಸಕಲ ಸಿದ್ಧತೆ ನಡೆಸಿದ್ದರು. ಅದರ ಉದ್ಘಾಟನೆಯ ಕಾರ್ಯವನ್ನು ಶುಕ್ರವಾರ ನಿಗದಿ ಪಡಿಸಿದ್ದು ಸಾಲ ಸೋಲ ಮಾಡಿ ಕೆಲವು ಪರಿಕರಗಳನ್ನು ಜೋಡಿಸಿ ಇಟ್ಟಿದ್ದರು. ಆದರೆ ಉದ್ಘಾಟನೆಗೂ ಮುನ್ನ ಕಳ್ಳರು ಕೈ ಚಳಕ ಪ್ರದರ್ಶಿಸಿ, ಡ್ರಾಯರ್ ಬಾಕ್ಸ್ ಕಿತ್ತು ಅದರಲ್ಲಿ ಇಟ್ಟಿದ್ದ ನಗದು ಹಾಗು ಗೂಡಂಗಡಿಯ ಬೀಗವನ್ನೂ ಎಗರಿಸಿಹೋಗಿದ್ದಾರೆ. ಹೀಗೆ ಉದ್ಘಾಟನೆಗೂ ಮುನ್ನ ಅಂಗಡಿ ಕಳವು ಆಗಿದ್ದರಿಂದ ತುಂಬಾ ಆಘಾತಕ್ಕೊಳಗಾಗಿದ್ದು ಅವರ ಕುರಿತು ಆರ್ ಬಿ ನ್ಯೂಸ್ ಕನ್ನಡ ಅವರು ಮೊದಲಾಗಿ ವರದಿ ಪ್ರಕಟಿಸಿದ್ದು, ಅವರಿಗೆ ಆದ ನಷ್ಟವನ್ನು `ಕುಲಾಲ್ ವರ್ಲ್ಡ್ ಡಾಟ್ ಕಾಮ್’ ಪ್ರಮುಖರಾದ ದಿನೇಶ್ ಬಂಗೇರ ಇರ್ವತ್ತೂರು ಭರಿಸುವ ವಾಗ್ದಾನ ನೀಡಿದ್ದಾರೆ.
