ಉಡುಪಿ (ಕುಲಾಲ್ ವರ್ಲ್ಡ್ ಡಾಟ್ ಕಾಮ್) : ಐಸಿವೈಎಂ ಉದ್ಯಾವರ ಸುವರ್ಣ ಮಹೋತ್ಸವ ಸಮಿತಿ ತನ್ನ ಸುವರ್ಣ ಮಹೋತ್ಸವ ಸಂಭ್ರಮದ 30ನೇ ಕಾರ್ಯಕ್ರಮವಾಗಿ ಉಡುಪಿ ಜಿಲ್ಲಾ ಮಟ್ಟದ ಮಕ್ಕಳ ಫೋಟೋ ಸ್ಪರ್ಧೆಯನ್ನು ಆಯೋಜಿಸಿದ್ದು, ಒಂದನೇ ವಿಭಾಗದಲ್ಲಿ ಸುವಿತ್ ಕುಲಾಲ್ ಪ್ರಥಮ ಸ್ಥಾನಗಳಿಸಿದರೆ, ಎರಡನೇ ವಿಭಾಗದಲ್ಲಿ ಪ್ರಣಿಕಾ ಯು ಕುಲಾಲ್ ಪ್ರಥಮ ಸ್ಥಾನ ಗಳಿಸಿದ್ದಾರೆ.
ಸುವಿತ್ ಬೈರಂಪಳ್ಳಿಯ ವಿಜಯ್ ಮತ್ತು ಸುಪ್ರೀತಾ ಕುಲಾಲ್ ದಂಪತಿಯ ಸುಪುತ್ರನಾಗಿದ್ದು, ಪ್ರಣಿಕಾ ಬೈರಂಪಳ್ಳಿಯ ಉದಯ ಹಾಗೂ ವರಲಕ್ಷ್ಮೀ ಕುಲಾಲ್ ದಂಪತಿಯ ಸುಪುತ್ರಿ.
ಐಸಿವೈಎಂ ಉದ್ಯಾವರ ಸುವರ್ಣ ಮಹೋತ್ಸವ ಸಮಿತಿಯು, ಉಡುಪಿ ಜಿಲ್ಲೆಯ ಮುದ್ದು ಮಕ್ಕಳ ಫೋಟೋ ಸ್ಪರ್ಧೆಯನ್ನು 2 ವಿಭಾಗಗಳಲ್ಲಿ 0 ಯಿಂದ 2, ಮತ್ತು 2 ರಿಂದ 5 ವಯಸ್ಸಿಯ ಮಕ್ಕಳಿಗಾಗಿ ಆಹ್ವಾನಿಸಿತ್ತು. ಜಿಲ್ಲೆಯ 246 ಮಕ್ಕಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ತೀರ್ಪುಗಾರರಾಗಿ ಫೋನಿಕ್ಸ್ ವೀಡಿಯೊ ಸ್ಟುಡಿಯೊ ಮಾಲಕ ವಿಲ್ಸನ್ ಡಿಸೋಜ ಶಿರ್ವ, ಪ್ರಸಾದ್ ಜತ್ತನ್ ಸ್ಟುಡಿಯೋ ಮಾಲಕ ಪ್ರಸಾದ್ ಜತ್ತನ್ನ ಉದ್ಯಾವರ, ಡಿಜಿಟಲ್ ಐಸ್ ಮಾಲಕ ಆಲ್ವಿನ್ ಕುಟಿನ್ನೊ ಕಲ್ಯಾಣಪುರ ಭಾಗವಹಿಸಿ ವಿಜೇತರ ಅಯ್ಕೆ ನಡೆಸಿದರು. ಪ್ರತಿ ವಿಭಾಗದಲ್ಲಿ ಪ್ರಥಮ, ದ್ವಿತೀಯ, ತೃತೀಯ ಮತ್ತು 3 ಸಮಾಧಾನಕರ ಬಹುಮಾನ ಗಳಿದ್ದವು. ವಿಜೇತರಿಗೆ ಡಿಸೆಂಬರ್ 13 ರಂದು ಸಂಜೆ 5 ಗಂಟೆಗೆ ಉದ್ಯಾವರ ಸಂತ ಫ್ರಾನ್ಸಿಸ್ ಜೇವಿಯರ್ ವಠಾರದಲ್ಲಿ ನಡೆಯುವ ಸಮಾರಂಭದಲ್ಲಿ ಬಹುಮಾನ ವಿತರಣೆ ಮಾಡಲಾಗುವುದು ಎಂದು ಐಸಿವೈಎಂ ಉದ್ಯಾವರ ಸುವರ್ಣ ಮಹೋತ್ಸವ ಸಮಿತಿಯ ಪ್ರಕಟಣೆ ತಿಳಿಸಿದೆ.
