ಹಸಿದವರ ನೆರವಿಗೆ ನಿಂತ ತೋಕೂರು ಕುಲಾಲ ಜವನೆರ್

ಕುಲಾಲ ಸಮಾಜ ಸೇವಾ ಸಂಘ(ರಿ) ತೋಕೂರು  ಆಶ್ರಯದಲ್ಲಿ ನೂರಕ್ಕೂ ಹೆಚ್ಚು ಕುಟುಂಬಕ್ಕೆ ಆಹಾರ ಕಿಟ್ ವಿತರಣೆ

ಮಂಗಳೂರು (ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ದೇಶಾದ್ಯಂತ ಮಹಾಮಾರಿಯಾಗಿ ಹಬ್ಬಿರುವ ಕೊರೊನ ವೈರಸ್ ನಿಂದ ತತ್ತರಿಸಿ ತುಂಬಾ ಕಷ್ಟದ ಪರಿಸ್ಥಿತಿಯಲ್ಲಿ ತೋಕೂರು ಕುಲಾಲ ಸಂಘದ ವ್ಯಾಪ್ತಿಗೆ ಸಂಬಂದಪಟ್ಟ ಸಮುದಾಯದ ಅಶಕ್ತ ಕುಟುಂಬಗಳಿಗೆ ತೋಕೂರು ಕುಲಾಲ ಜವನೆರ್ ವತಿಯಿಂದ ಸಂಘದ ಆಶ್ರಯದಲ್ಲಿ ದಾನಿಗಳ ನೆರವಿನಿಂದ ಸುಮಾರು 125 ಕುಟುಂಬಕ್ಕೆ ಸಂಘದ ಸಭಾಭವನದಲ್ಲಿ ಆಹಾರ ಕಿಟ್ ವಿತರಣೆ ಮಾಡಲಾಯಿತು. ಈ ಸಂದರ್ಭ ಸಂಘದ ಸದಸ್ಯರು, ದಾನಿಗಳು ಹಾಗೂ ಕುಲಾಲ ಜವನೆರ್ ತೋಕೂರು ತಂಡದ ಸದಸ್ಯರು ಉಪಸ್ಥಿತರಿದ್ದರು. ನೀಡಲಾದ ಕಿಟ್ ನಲ್ಲಿ ಇರುವ ದಿನಬಳಕೆಯ ಸಾಮಾಗ್ರಿಗಳಾದ ಅಕ್ಕಿ, ಸಕ್ಕರೆ, ಚಾ ಹುಡಿ, ಮೆಣಸು, ಈರುಳ್ಳಿ, ಬೆಳ್ಳುಳ್ಳಿ, ಕೊತ್ತಂಬರಿ, ಜೀರಿಗೆ, ಸಾಸಿವೆ, ಅರಸಿನ ಹುಡಿ, ಉಪ್ಪು, ತೆಂಗಿನ ಎಣ್ಣೆ, Sun shine ಸೋಪ್, ಪತಂಜಲಿ ಸೋಪ್ ಒಳಗೊಂಡಿದೆ.