ಮಂಗಳೂರು(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ವಿದ್ಯಾರ್ಥಿಗಳಿಗೆ ನೀಡುವ ಯಾವುದೇ ಶೈಕ್ಷಣಿಕ ಪ್ರೋತ್ಸಾಹ ಅವರ ಮುಂದಿನ ಜೀವನಕ್ಕೆ ದಾರಿ ದೀಪವಾಗುತ್ತದೆ. ಈ ನಿಟ್ಟಿನಲ್ಲಿ ಸಂಘ ಸಂಸ್ಥೆಗಳು ಹಾಗೂ ಪೋಷಕರ ಪಾತ್ರ ಬಹಳ ಮಹತ್ವದ್ದು ಎಂದು ಶ್ರೀ ವೀರನಾರಾಯಣ ಸೇವಾ ಟ್ರಸ್ಟ್ ನ ಚೈರ್ಮನ್ ಪ್ರೇಮಾನಂದ ಕುಲಾಲ್ ಅವರು ನುಡಿದರು.
ಕುಳಾಯಿ ಶ್ರೀ ವೆಂಕಟರಮಣ ಶಾಲೆಯಲ್ಲಿ ಕುಲಾಲ ಸಂಘ , ಕುಲಾಲ ಮಹಿಳಾ ಮಂಡಲ ಮತ್ತು ಕುಲಾಲ ರಜತ ಸೇವಾ ಟ್ರಸ್ಟ್ ನ ಆಶ್ರಯದಲ್ಲಿ ಜರಗಿದ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಶ್ರೀ ವೀರನಾರಾಯಣ ದೇವಸ್ಥಾನ ಜೀರ್ಣೋದ್ದಾರ ಸಮಿತಿಯ ಪ್ರಧಾನ ಸಂಚಾಲಕರಾದ ಸುರೇಶ್ ಕುಲಾಲ್, ಬಂಟ್ವಾಳ ತಾಲೂಕು ಸೇವಾ ದಳದ ಅಧ್ಯಕ್ಷರಾದ ಶೇಷಪ್ಪ ಮಾಸ್ಟರ್ ಬಂಟ್ವಾಳ ಶುಭ ಹಾರೈಸಿದರು. ವೇದಿಕೆಯಲ್ಲಿ ವಾಮನ ಚಿತ್ರಾಪುರ, ರವೀಂದ್ರ ಜನನಿ ಹೊಸಬೆಟ್ಟು, ಸಂಘದ ಅಧ್ಯಕ್ಷ ರಾದ ಗಂಗಾಧರ್ ಕೆ ಕುಲಾಲ ಮಹಿಳಾ ಮಂಡಳಿ ಅಧ್ಯೆಕ್ಷೆ ಮೀರಾ ಮೋಹನ್, ರಜತ ಸೇವಾ ಟ್ರಸ್ಟ್ ನ ಅಧ್ಯಕ್ಷ ಮೋಹನ್ ಐ ಮೂಲ್ಯ, ಮುಂತಾದವರು ಅತಿಥಿಗಳಾಗಿ ಭಾಗವಹಿಸಿದ್ದರು.
ಇದೇ ಸಂದರ್ಭ ಪಿ.ಯು ಸಿ ಹಾಗೂ ಎಸ್ ಎಸ್ ಎಲ್ ಸಿ ಯಲಿ ಉನ್ನತ ಸಾಧನೆ ಮಾಡಿದ ವಿದ್ಯಾರ್ಥಿ ಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು. ರಜತ ಸೇವಾ ಟ್ರಸ್ಟ್ ನಿಂದ ದತ್ತು ಪಡೆದ ವಿದ್ಯಾರ್ಥಿಗಳಿಗೆ ಅವರ ಸಂಪೂರ್ಣ ವೆಚ್ಚ ಹಾಗೂ ಶೈಕ್ಷಣಿಕ ಸವಲತ್ತುಗಳನ್ನು ವಿತರಿಸಲಾಯಿತು. 150 ಅಧಿಕ ವಿದ್ಯಾರ್ಥಿಗಳಿಗೆ ಪುಸ್ತಕಗಳನ್ನು ಹಂಚಲಾಯಿತು.
ಈ ಸಂದರ್ಭ ಕುಲಾಲ ಸಂಘದ ನಿಕಟ ಪೂರ್ವ ಅಧ್ಯಕ್ಷ ಕುಮಾರ್ ಕುಲಾಲ್, ಜನಾರ್ಧನ್ ಸಾಲಿಯಾನ್, ಗಣೇಶ್ ಕುಲಾಲ್, ಶ್ರೀನಾಥ್ ವಂಶಿ, ಯೋಗೀಶ್ ಡಿ ಕುಲಾಲ್, ಗಣೇಶ್ ನಿವೃತ ಎನ್ ಎಂ ಪಿ ಟಿ, ದಿನೇಶ್ ಕುಲಾಲ್, ಗಣೇಶ್ ಅಂಚನ್ ರಮೇಶ್ ಆರ್ ಕೆ. ಕುಲಾಲ ಮಹಿಳಾ ಮಂಡಳಿಯ ಜಯಂತಿ ಕೆ ರಾಜೀವಿ ಹರೀಶ್,ಭಾರತಿ ಗಂಗಾಧರ್, ಶ್ವೇತಾ ಪುರುಸೊತ್ತಮ್ “, ತಾರಾ ಚಂದ್ರಹಾಸ್, ರಜತ ಸೇವಾ ಟ್ರಸ್ಟ್ ನ ಅಧ್ಯಕ್ಷ ಮೋಹನ್ ಐ ಮೂಲ್ಯ ಜೋಗಟ್ಟೆ ಉಪಸ್ಥಿತರಿದ್ದರು.
ಕರಾಟೆ ಯಲ್ಲಿ 10ರ ವಯೋಮನ ವಿಭಾಗದಲಿ ರಾಷ್ಟ್ರ ಮಟ್ಟದಲ್ಲಿ ಚಿನ್ನದ ಪದಕ ವಿಜೇತ ಮಾಸ್ಟರ್ ಜೀತನ್ ಬಂಗೇರ ಅವರನ್ನು ಸನ್ಮಾನಿಸಲಾಯಿತು. ಸಂಘದ ಕಾರ್ಯದರ್ಶಿ ಗಂಗಾಧರ್ ಬಂಜನ್ ಸ್ವಾಗತಿಸಿದರು. ದಿವ್ಯಾ ಕುಲಾಲ್ ನಿರೂಪಿಸಿದರು. ನಾಗೇಶ್ ಕುಲಾಲ್ ಧನ್ಯವಾದ ಗೈದರು.
