ಪುಣೆ(ಡಿ.೦೬, ಕುಲಾಲ್ ವರ್ಲ್ಡ್ ನ್ಯೂಸ್): ಪುಣೆ ಕುಲಾಲ ಸುಧಾರಕ ಸಂಘದ ೩೯ನೇ ವಾರ್ಷಿಕೋತ್ಸವ ಸಮಾರಂಭವು ಕರ್ನಾಟಕ ಸಂಘದ ಸಭಾಭವನದಲ್ಲಿ ಇತ್ತೀಚೆಗೆ ನಡೆಯಿತು.
ತುಂಬೆ ಕುಲಾಲ ಸೇವಾ ಸಂಘದ ಸೇಸಪ್ಪ ಮಾಸ್ಟರ್ ಕಾರ್ಯಕ್ರಮದ ಉದ್ಘಾಟನೆಯನ್ನು ನೆರವೇರಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪುಣೆ ಕುಲಾಲ ಸುಧಾರಕ ಸಂಘದ ಹರೀಶ್ ಕುಲಾಲ್ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಪುಣೆ ಕನ್ನಡ ಸಂಘದ ಅಧ್ಯಕ್ಷ ಕುಶಲ ಹೆಗ್ಡೆ ಭಾಗವಹಿಸಿದ್ದರು.
ಕಾರ್ಯಕ್ರಮದಲ್ಲಿ ಪುಣೆ ಕುಲಾಲ ಸುಧಾರಕ ಸಂಘದ ಗೌರವಾಧ್ಯಕ್ಷ ವಿಶ್ವನಾಥ ಉಡುಪಿ , ಮಾಜಿ ಅಧ್ಯಕ್ಷ ವಾಸುದೇವ್ ಬಂಟ್ವಾಳ, ಕಾರ್ಯದರ್ಶಿ ನವೀನ ಬಂಟ್ವಾಳ, ಮಹಿಳಾ ಘಟಕದ ಉಪ ಕಾರ್ಯಾಧ್ಯಕ್ಷೆ ಯಶೋದಾ ಎಸ್ ಮೂಲ್ಯ ಕಾರ್ಯದರ್ಶಿ ಜಯಂತಿ ಮೂಲ್ಯ ಮೊದಲಾದವರು ಉಪಸ್ಥಿತರಿದ್ದರು. ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ನಡೆದ `ರಾಗದ ರಸೊಕ್ಕು ತೆಲಿಕೆದ ನೆಸಲ್’ ನಾಟಕ ಎಲ್ಲರ ಮನರಂಜಿಸಿತು.
