ಮಂಗಳೂರು(ಜೂ.೧): ದ.ಕ ಜಿಲ್ಲಾ ಬಿಜೆಪಿ ಮಹಿಳಾ ಮೋರ್ಚಾದ ಪ್ರಧಾನ ಕಾರ್ಯದರ್ಶಿಯಾಗಿ ರಾಜೀವಿ ಕೆಂಪು ಮಣ್ಣು ಅವರು ಆಯ್ಕೆಯಾಗಿದ್ದಾರೆ. ಈ ಹಿಂದೆ ತಾಪಂ ಚುನಾವಣೆಯಲ್ಲಿ ಕೋಟೆಕಾರು ೧ನೇ ವಾರ್ಡಿನಿಂದ ಸ್ಪರ್ಧಿಸಿ ವಿಜಯಿಯಾಗಿದ್ದ ಇವರು ಬಳಿಕ 2012ರಲ್ಲಿ ತಾಲೂಕು ಪಂಚಾಯತ್ ಉಪಾಧ್ಯಕ್ಷರಾಗಿಯೂ ಆಯ್ಕೆಯಾಗಿದ್ದರು. ದ.ಕ ಜಿಲ್ಲಾ ಬಿಜೆಪಿಗೆ ಪದ್ಮನಾಭ್ ಕೊಟ್ಟಾರಿ ಅಧ್ಯಕ್ಷರಾಗಿದ್ದಾಗ ಇವರು ಜಿಲ್ಲಾ ಕಾರ್ಯಕಾರಿಣಿಯ ಪ್ರಧಾನ ಕಾರ್ಯದರ್ಶಿಯಾಗಿ ದುಡಿದಿದ್ದರು. ಬಿಜೆಪಿಯ ತಳಮಟ್ಟದ ಕಾರ್ಯಕರ್ತರು ಎಂಬ ಹೆಗ್ಗಳಿಕೆ ಇವರಿಗಿದೆ. ಇವರು ಮಂಗಳೂರು ನಗರ (ಹಿಂದಿನ ಉಳ್ಳಾಲ) ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯವರಾಗಿದ್ದುದವರಾಗಿದ್ದು ಕೊಲ್ಯ ಕುಲಾಲ ಸಂಘ ಹಾಗೂ ಇನ್ನಿತರ ಸಂಘಗಳಲ್ಲಿ ಸಕ್ರೀಯರಾಗಿರುತ್ತಾರೆ.
