ಮಂಗಳೂರು(ಮೇ.೨೨): ವಿಶಿಷ್ಟ ವ್ಯಕ್ತಿತ್ವ ಹೊಂದಿರುವ ಹಾಗೂ ಪ್ರಾಮಾಣಿಕ ಸಮಾಜಸೇವೆ ಮಾಡಬೇಕೆನ್ನುವ ತುಡಿತವಿರುವ ಮುಖೇಶ್ ಕುಲಾಲ್ ಕೊಲ್ಯ ಅವರನ್ನು `ಕುಲಾಲ್ ವರ್ಲ್ಡ್’ ವಾಟ್ಸಪ್ ಗ್ರೂಪ್ ವತಿಯಿಂದ ಸನ್ಮಾನಿಸಲಾಯಿತು.
ಸೌದಿ ಅರೇಬಿಯಾದ ರಿಯಾದ್ ನ ಕಂಪೆನಿಯೊಂದರಲ್ಲಿ ಉದ್ಯೋಗಿಯಾಗಿರುವ ಮುಖೇಶ್ ಅವರು, `ಕುಲಾಲ್ ವರ್ಲ್ಡ್’ ನ ನಿರ್ವಾಹಕರಲ್ಲಿ ಒಬ್ಬರಾಗಿದ್ದು, ಗ್ರೂಪ್ ನಡೆಸುತ್ತಿರುವ ಹೆಚ್ಚಿನ ಎಲ್ಲಾ ಕಾರ್ಯಕ್ರಮಗಳಲ್ಲಿ ತಮ್ಮನ್ನು ತಾವು ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದು, ಕುಲಾಲ ಸಮಾಜದ ಅಶಕ್ತ ಕುಟುಂಬಗಳಿಗೆ ಸ್ವತಃ ಧನಸಹಾಯ ನೀಡಿರುವುದಲ್ಲದೆ, ಇತರ ಸಂಘ-ಸಂಸ್ಥೆಗಳಿಂದಲೂ ಆರ್ಥಿಕ ನೆರವು ದೊರಕಿಸಿಕೊಡುವಲ್ಲಿ ಶ್ರಮ ವಹಿಸುತ್ತಿದ್ದಾರೆ. ಇವರು ನೀಡಿದ ಸಹಕಾರವನ್ನು ಪರಿಗಣಿಸಿ, ಕುಲಾಲ್ ವರ್ಲ್ಡ್ ಮಿತ್ರರು ಸೇರಿ, ಶಾಲು ಹೊದೆಸಿ ಸ್ಮರಣಿಕೆ ನೀಡಿ ಮೇ.೨೧ರಂದು ಸನ್ಮಾನಿಸಲಾಯಿತು.
ಈ ಸಂದರ್ಭ `ಕುಲಾಲ್ ವರ್ಲ್ಡ್’ ವಾಟ್ಸಪ್ ನ ಇತರ ನಿರ್ವಾಹಕರಾದ ಹೇಮಂತ್ ಕುಮಾರ್ ಕಿನ್ನಿಗೋಳಿ, ರಂಜಿತ್ ಕುಮಾರ್ ಮೂಡಬಿದ್ರೆ, ನರೇಶ್ ಕೆ.ಟಿ ಬೆಳ್ತಂಗಡಿ ಹಾಗೂ ಸಕ್ರಿಯ ಸದಸ್ಯರಾದ ರಮೇಶ್ ಕುಮಾರ್ ವಗ್ಗ, ಸೂರಜ್ ಕುಲಾಲ್ ಮಂಗಳೂರು ಉಪಸ್ಥಿತರಿದ್ದರು.
