ಕುಂದಾಪುರ(ಏ.೧೮): ಹಿರಿಯ ಯಕ್ಷಗಾನ ಕಲಾವಿದ ಶಿರೂರು ಅಣ್ಣಪ್ಪ ಕುಲಾಲರಿಗೆ ಅರೆಹೊಳೆ ಪ್ರತಿಷ್ಠಾನದ `ನಂದಗೋಕುಲ’ ಕಲಾ ತಂಡದ ವತಿಯಿಂದ ಯಕ್ಷ ಸಮ್ಮಾನ
ಕಾರ್ಯಕ್ರಮವು ಏಪ್ರಿಲ್ 23ರಂದು ನಡೆಯಲಿದೆ.
ಹೆಬ್ರಿ ಸಮೀಪದ ಬಲ್ಲೆಬೈಲುವಿನಲ್ಲಿ ಏಪ್ರಿಲ್ 23ರಂದು ಸಂಜೆ 6ಕ್ಕೆ ನಡೆಯಲಿರುವ `ಅರೆಹೊಳೆ ದಿಬ್ಬಣ’ದ ವೇಳೆ ಹರಿಕೃಷ್ಣ ಪುನರೂರು ಅವರ ಉಪಸ್ಥಿತಿಯಲ್ಲಿ ಈ ಸನ್ಮಾನ ಕಾರ್ಯಕ್ರಮ ನಡೆಯಲಿದೆ. ಮಂದಾರ್ತಿ ಮೇಳದಲ್ಲಿ ಕಳೆದ 25 ವರ್ಷದಿಂದ ಸೇವೆ ಸಲ್ಲಿಸುತ್ತಿರುವ ಅಣ್ಣಪ್ಪ ಕುಲಾಲ್ ಅವರ ಸುದೀರ್ಘ ನಲವತ್ತು ವರ್ಷಗಳ ಕಲಾ ಬದುಕನ್ನು ಗುರುತಿಸಿ ಈ ಸನ್ಮಾನ ಮಾಡಲಾಗುತ್ತಿದ್ದು, ಅದರೊಂದಿಗೆ ನಂದಗೋಕುಲ ಕಲಾ ತಂಡ ನೀಡುವ ಆರ್ಥಿಕ ನೆರವನ್ನು ಈ ಸಂದರ್ಭದಲ್ಲಿ ನೀಡಲಾಗುವುದು ಎಂದು ಅರೆಹೊಳೆ ಪ್ರತಿಷ್ಠಾನದ ವ್ಯವಸ್ಥಾಪಕ ಅರೆಹೊಳೆ ಸದಾಶಿವ ರಾವ್ ತಿಳಿಸಿದ್ದಾರೆ.
