ಪುತ್ತೂರು(ಮಾ.೦೫): ಕುಂಬಾರರ ಗುಡಿ ಕೈಗಾರಿಕಾ ಸಹಕಾರ ಸಂಘ ನಿ. ಪುತ್ತೂರು ಇದರ ಖಾಲಿ ಇದ್ದ ಒಂದು ನಿರ್ದೇಶಕರ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಬಂಟ್ವಾಳದ ಯಶೋದಾ. ಬಿ. ಜಯ ಗಳಿಸಿದ್ದಾರೆ.
ಯಶೋದಾ ಅವರು ಒಟ್ಟು 192 ಮತಗಳನ್ನು ಪಡೆದರೆ ಪ್ರತಿಸ್ಪರ್ಧಿ ಚಂದಪ್ಪ ಅವರು 106 ಪಡೆಯಲಷ್ಟೇ ಶಕ್ತರಾದರು. ಚಲಾವಣೆಯಾದ ಒಟ್ಟು 302 ಮತಗಳಲ್ಲಿ 4 ಮತಗಳು ತಿರಸ್ಕೃತಗೊಂಡಿವೆ.
ಬಂಟ್ವಾಳ ಬಿ ಮೂಡ ಗ್ರಾಮದ ಕೃಷ್ಣಪ್ಪ ಬಿ ಅವರ ಪತ್ನಿಯಾಗಿರುವ ಯಶೋದಾ ಅವರು ಬಂಟ್ವಾಳ ಪುರಸಭೆಯ ಮಾಜಿ ಅಧ್ಯಕ್ಷೆಯಾಗಿದ್ದಾರೆ. ಪ್ರಸ್ತುತ ರಾಜ್ಯ ಮಹಿಳಾ ಕುಂಬಾರರ ಮಹಾ ಸಂಘ ಹಾಗೂ ಬಂಟ್ವಾಳ ಕುಲಾಲ ಸುಧಾರಕ ಸಂಘದ ಉಪಾಧ್ಯಕ್ಷೆಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.
