ಬೆಳ್ತಂಗಡಿ(ಡಿ.೨೯): ಇಲ್ಲಿನ ಕುಂಬಾರರ ಸೇವಾ ಸಂಘದ ವತಿಯಿಂದ 2017, ಜನವರಿ 15ರಂದು `ಕುಂಭ ಸಂಭ್ರಮ’ ಸ್ವಜಾತಿ ಬಾಂಧವರ ಮಾಗಣೆ ಸಭೆ ನಡೆಯಲಿದೆ.
ಬೆಳ್ತಂಗಡಿ ಬಸ್ಸು ನಿಲ್ದಾಣದ ಬಳಿ ಇರುವ ಶ್ರೀ ಗುರು ನಾರಾಯಣ ಸಭಾಭವನದಲ್ಲಿ ನಡೆಯಲಿರುವ ಸಭೆಯಲ್ಲಿ ವಿಚಾರ ಸಂಕಿರಣ, ಉಪನ್ಯಾಸ ಹಾಗೂ ಸಾಧಕರಿಗೆ ಸನ್ಮಾನ ನಡೆಯಲಿದೆ.
ಸಂಘದ ಅಧ್ಯಕ್ಷ ಹೆಚ್. ಪದ್ಮ ಕುಮಾರ್ ಅಧ್ಯಕ್ಷತೆಯಲ್ಲಿ ನಡೆಯಲಿರುವ ಕಾರ್ಯಕ್ರಮವನ್ನು ಮಾಗಣೆ ಗುರಿಕಾರ ಅಣ್ಣಪ್ಪ ಕುಲಾಲ್ ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಮಾಗಣೆ ಗುರಿಕಾರ ದೂಮ ಕುಲಾಲ್, ಕುಂಬಾರ ಮಹಾಸಂಘದ ಕಾರ್ಯಾಧ್ಯಕ್ಷ ಡಾ. ಅಣ್ಣಯ್ಯ ಕುಲಾಲ್, ಕುಲಾಲ ಯುವ ವೇದಿಕೆಯ ರಾಜ್ಯ ಸಂಘಟನಾ ಕಾರ್ಯದರ್ಶಿ ಹರೀಶ್ ಕಾರಿಂಜ, ಗುರುವಾಯನಕೆರೆ ಕುಂಬಾರ ಸಂಘದ ಉಪಾಧ್ಯಕ್ಷ ದಿನಕರ ಬಂಗೇರ ಭಾಗವಹಿಸಲಿದ್ದಾರೆ.
ಡಾ. ರಮೇಶ್, ಮಹೇಶ್ ಕೆ, ವಿಜಯ ಅವರು ಶೈಕ್ಷಣಿಕ, ಸಾಮಾಜಿಕ ಹಾಗು ಧಾರ್ಮಿಕ ಕ್ಷೇತ್ರದ ಕುರಿತು ಉಪನ್ಯಾಸ ನೀಡಲಿದ್ದಾರೆ. ವಿಚಾರ ಸಂಕಿರಣದಲ್ಲಿ ಉದಯ ಕುಮಾರ್ ಬಿಕೆ, ಪದ್ಮನಾಭ, ಉಷಾ ಸಂಜೀವ, ಸಂಜೀವ ಕುಂಬಾರ, ಜಲಜ ಸಂಜೀವ್ ಭಾಗವಹಿಸಲಿದ್ದಾರೆ.
