ಬಂಟ್ವಾಳ(ಡಿ.೧೨): ಕುಂಬಾರ ವೇದಿಕೆ ಕಲ್ಲಿಗೆ ವತಿಯಿಂದ ಇತ್ತೀಚೆಗೆ ನಿಧನರಾದ ಕುಂಜತ್ತೂರು ಕಳ್ಳಿಗೆ ಮನೆ ನಿವಾಸಿ, ಕನಪಾಡಿ ದೈವಸ್ಥಾನದ ಪಾತ್ರಿ ಸೋಮಯ (ದೂಮ)ಮೂಲ್ಯ ಅವರ ಶೃದ್ಧಾಂಜಲಿ ಸಭೆಯು ಡಿ. ೧೨ರ ಸೋಮವಾರ ನಡೆಯಿತು.
ಬಿ.ಸಿ ರೋಡ್ ರಕ್ತೇಶ್ವರಿ ದೈವಸ್ಥಾನದಲ್ಲಿ ನಡೆದ ಸಭೆಯಲ್ಲಿ ಉಪೇಂದ್ರ ಮೂಲ್ಯ, ಪುರಸಭಾ ಮಾಜಿ ಉಪಾಧ್ಯಕ್ಷ ಬಿ. ಮೋಹನ್, ಪುರಸಭಾ ಸದಸ್ಯ ಸದಾಶಿವ ಬಂಗೇರ, ರಾಜ್ಯ ಕುಂಬಾರ ಸರಕಾರೀ ನೌಕರರ ಸಂಘದ ಆನಂದ ಬಂಜನ್, ತುಂಬೆಗುತ್ತು ಆನಂದ ಶೆಟ್ಟಿ, ಪರಾರಿಗುತ್ತು ದಿವಾಕರ ಶೆಟ್ಟಿ, ಸಂತೋಷ ದೇವಂದಬೆಟ್ಟು, ಲಕ್ಷ್ಮೀ ವಿಷ್ಣುಮೂರ್ತಿ ದೇವಸ್ಥಾನದ ಮೊಕ್ತೇಸರರಾದ ಜನಾರ್ದನ ಸಾಲ್ಯಾನ್, ದಿವಾಕರ ಪಂಬದಬೆಟ್ಟು, ಸೋಮಯ ಅವರ ಪುತ್ರ ಚೆನ್ನಪ್ಪ ಮೂಲ್ಯ ಗ್ರಾಮ ಪಂಚಾಯತ್ ಉಪಾಧ್ಯಕ್ಷ ಪುರುಷ ಸಾಲ್ಯಾನ್, ಮತ್ತಿತರರು ಉಪಸ್ಥಿತರಿದ್ದು ಸೋಮಯ ಅವರ ಆತ್ಮಕ್ಕೆ ಶಾಂತಿ ಕೋರಿ ಪ್ರಾರ್ಥನೆ ಸಲ್ಲಿಸಿದರು.
kulalworld.com
