ಮಂಗಳೂರು : ಬಾಲ ಪ್ರತಿಭೆ, ಭ್ರಾಮರಿ ಯಕ್ಷ ನೃತ್ಯ ಕಲಾನಿಲಯ ಚಾರಿಟೇಬಲ್ ಟ್ರಸ್ಟ್ ಇದರ ಮೀರಾ ರೋಡ್ ವಿಭಾಗದ ವಿದ್ಯಾರ್ಥಿನಿ ಆಶಾ.ಸಿ. ಮೂಲ್ಯ ಅವರಿಗೆ ೨೦೧೬ನೇ ಸಾಲಿನ ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರತಿಭಾ ಪುರಸ್ಕಾರ ಲಭಿಸಿದೆ.
ಆಶಾ ಯಕ್ಷಗಾನ ಗುರು ಕಟೀಲು ಸದಾನಂದ ಶೆಟ್ಟಿ ಇವರಿಂದ ತೆಂಕುತಿಟ್ಟು ಮತ್ತು ಶಂಕರ್ ನಾಯಕ್ ಅವರಿಂದ ಬಡಗುತಿಟ್ಟು ಯಕ್ಷ ನೃತ್ಯವನ್ನು ಕಲಿಯುತ್ತಿದ್ದಾಳೆ. ಮೀರಾರೋಡ್ ಸಂತ ಫ್ರಾನ್ಸಿಸ್ ಶಾಲೆಯ ಎಂಟನೇ ತರಗತಿ ವಿದ್ಯಾರ್ಥಿನಿಯಾಗಿರುವ ಈಕೆ, ಭರತನಾಟ್ಯ ಪ್ರವೀಣೆಯೂ ಆಗಿದ್ದಾಳೆ.
ಆಶಾ ಪ್ರಸ್ತುತ ಮುಂಬಯಿ ಮೀರಾರೋಡ್ ನಲ್ಲಿರುವ , ಮೂಲತಃ ಕಂದಾವರ ಬೈಲ್ ನಡಿಕಳ ಚಂದ್ರಹಾಸ ಬಿ ಮೂಲ್ಯ-ರಸಿಕಾ ಮೂಲ್ಯ ದಂಪತಿಯ ಸುಪುತ್ರಿ.
