ತನಿಯಪ್ಪ ಮೂಲ್ಯರ ದಯನೀಯ ಸ್ಥಿತಿಯನ್ನು ಕಂಡು ಮಾನವೀಯ ನೆಲೆಯಲ್ಲಿ `ಕುಲಾಲ್ ವರ್ಲ್ಡ್’ ವಾಟ್ಸಪ್ ಗ್ರೂಪಿನ ಪರವಾಗಿ ಆರ್ಥಿಕ ಸಹಾಯ ನೀಡಲು ಯೋಜಿಸಲಾಗಿದೆ.
ಬೆಳ್ತಂಗಡಿ : ಇಲ್ಲಿನ ಇಂದಬೆಟ್ಟು ಗ್ರಾಮದ ತನಿಯಪ್ಪ ಮೂಲ್ಯ (50) ಅವರು ಎರಡೂ ಕಿಡ್ನಿ ವೈಫಲ್ಯದಿಂದ ಬಳಲುತ್ತಿದ್ದಾರೆ. ಮಧುಮೇಹದ ಕಾರಣ ಒಂದು ಕಣ್ಣನ್ನೂ ಕಳೆದುಕೊಂಡಿದ್ದಾರೆ. ಮೂಲತಃ ವೃತ್ತಿಯಲ್ಲಿ ಟೈಲರ್ ಆಗಿದ್ದು, ಆ ಬಳಿಕ ಸಾಲ ಮಾಡಿ ಗೂಡ್ಸ್ ರಿಕ್ಷಾ ಖರೀದಿಸಿ ದುಡಿಯುತ್ತಿದ್ದರು. ಆದರೆ ಅನಾರೋಗ್ಯದ ಕಾರಣ ಈಗ ಚಿಕ್ಕ ಗೂಡಂಗಡಿ ಇಟ್ಟಿದ್ದಾರೆ. ಆದರೆ ದಿನಕ್ಕೆ ಐವತ್ತು ರೂ. ವ್ಯಾಪಾರ ಕೂಡಾ ಆಗುತ್ತಿಲ್ಲ. ಚಿಕಿತ್ಸೆಗಾಗಿ ಸಾಕಷ್ಟು ಖರ್ಚು ಮಾಡಿರುವ ಈ ಕುಟುಂಬವು ಇದೀಗ ಚಿಕಿತ್ಸೆ ಮುಂದುವರಿಸಲು ದಾನಿಗಳ ಸಹಾಯದ ನಿರೀಕ್ಷೆಯಲ್ಲಿದ್ದಾರೆ.
ಜೀವನ್ಮರಣ ಹೋರಾಟ ನಡೆಸುತ್ತಿರುವ ತನಿಯಪ್ಪ ಮೂಲ್ಯರಿಗೆ ಪತ್ನಿ ಮತ್ತು ಇಬ್ಬರು ಚಿಕ್ಕ ಮಕ್ಕಳಿದ್ದಾರೆ. ತನಿಯಪ್ಪರ ಪತ್ನಿ ಪುಷ್ಪಾ ಬಂಗಾಡಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಬಿಸಿಯೂಟ ಅಡುಗೆ ಸಹಾಯಕಿ. ಅವರ ಸಂಬಳವೇ ಜೀವನಾಧಾರ. ಮಂಗಳೂರಿನ ಆಸ್ಪತ್ರೆಯಲ್ಲಿ ಶಸ್ತ್ರ ಚಿಕಿತ್ಸೆ ಮಾಡಿಸಿ ಚಿಕಿತ್ಸೆ ಕೊಡಿಸಿದಾಗ ಮೂರೂವರೆ ಲಕ್ಷ ರೂ. ಬಿಲ್ ಆಗಿತ್ತು. ರಿಕ್ಷಾ ಚಾಲಕರು, ಊರವರು, ಬಂಧುಗಳು ಒಟ್ಟಾಗಿ ಹಣ ಸಂಗ್ರಹಿಸಿ ಆಸ್ಪತ್ರೆ ವಾಸದಿಂದ ಮುಕ್ತಿ ನೀಡಿದರು. ಇದಾಗಿ ವರ್ಷ ಕಳೆಯಿತು. ಈಗ ವಾರಕ್ಕೆ ಎರಡು ದಿನ ಡಯಾಲಿಸಿಸ್ ಕಡ್ಡಾಯ. ಪುತ್ತೂರಿನ ಆಸ್ಪತ್ರೆಗೆ ಹೋಗಿ ಮೂರು ದಿನಕ್ಕೊಮ್ಮೆ ಡಯಾಲಿಸಿಸ್ ಮಾಡಿಸಿಕೊಳ್ಳುತ್ತಿದ್ದಾರೆ. ಜೀವನಾಧಾರಕ್ಕೆ ಇದ್ದ ರಿಕ್ಷಾ ಮಾರಿ ಆಗಿದೆ. ಚಿಕಿತ್ಸೆಗಾಗಿ ಇದೀಗ ಇರುವ ಮುರುಕು ಮನೆಯನ್ನೂ ಮಾರಬೇಕಾದ ಅನಿವಾರ್ಯತೆಯಲ್ಲಿದ್ದಾರೆ.
ತನಿಯಪ್ಪ ಮೂಲ್ಯರ ದಯನೀಯ ಸ್ಥಿತಿಯನ್ನು ಕಂಡು ಮಾನವೀಯ ನೆಲೆಯಲ್ಲಿ `ಕುಲಾಲ್ ವರ್ಲ್ಡ್’ ವಾಟ್ಸಪ್ ಗ್ರೂಪಿನ ಪರವಾಗಿ ಆರ್ಥಿಕ ಸಹಾಯ ನೀಡಲು ಯೋಜಿಸಲಾಗಿದೆ. ನಮ್ಮ ಗ್ರೂಪಿನ ಸದಸ್ಯರಾದ ನರೇಶ್ ಕೆ. ಟಿ ಅವರು ಹಣ ಸಂಗ್ರಹದ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಈ ಕೆಳಗಿನ ಅವರ ಬ್ಯಾಂಕ್ ಖಾತೆಗೆ ಸೆಪ್ಟೆಂಬರ್ 24ರೊಳಗೆ ಹಣ ವರ್ಗಾಯಿಸಬೇಕಾಗಿ ವಿನಂತಿ. ಒಟ್ಟಾದ ಹಣವನ್ನು ಸೆ. 25ರಂದು ತನಿಯಪ್ಪ ಮೂಲ್ಯರಿಗೆ ಹಸ್ತಾ೦ತರಿಸಲಾಗುವುದು. (ಹಣ ಸಂದಾಯ ಮಾಡಿದವರ ವಿವರವನ್ನು kulalworld.com ನಲ್ಲಿ ಪ್ರಕಟಿಸಲಾಗುವುದು)
Naresh K. T.
Canara BANK.
Belthangady Branch
A/c No. 2749101003564
IFSC CODE. CNRB0002749
Mobile : 8880551111
ಬ್ಯಾಂಕಿಗೆ ಹಣ ಜಮಾ ಮಾಡಲು ಅಸಾಧ್ಯವಾದಲ್ಲಿ ನಮ್ಮ ಗ್ರೂಪಿನ ಸದಸ್ಯರು ನೀವಿದ್ದಲ್ಲಿ ಬಂದು ಹಣ ಸಂಗ್ರಹ ಮಾಡುವ ವ್ಯವಸ್ಥೆ ಮಾಡಲಾಗುವುದು. ಮಂಗಳೂರು, ಸುರತ್ಕಲ್, ಹಳೆಯಂಗಡಿ, ಮುಲ್ಕಿ, ಕಿನ್ನಿಗೋಳಿ, ಬಜಪೆ, ಮೂಡಬಿದ್ರಿ ಕಡೆಯ ಯಾರಿಗಾದರೂ ಬ್ಯಾಂಕಿಗೆ ಹಣ ಜಮಾ ಮಾಡಲು ಅಸಾಧ್ಯವಾದಲ್ಲಿ Hemanth ಮೊಬೈಲ್ ನಂ. :94809 22412 ಸಂಪರ್ಕಿಸಿರಿ. ಬಂಟ್ವಾಳ ಕಡೆಯಿಂದ ಯಾರಿಗಾದರೂ ಬ್ಯಾಂಕಿಗೆ ಹಣ ಜಮಾ ಮಾಡಲು ಅಸಾಧ್ಯವಾದಲ್ಲಿ ನಮ್ಮ ಗ್ರೂಪಿನ ಸದಸ್ಯರಾದ ರಮೇಶ್ : 9448012347 ಸಂಪರ್ಕಿಸಿರಿ.
ತನಿಯಪ್ಪ ಮೂಲ್ಯ ಹಾಗು ಅವರ ಕುಟುಂಬದ ಜೊತೆ `ಕುಲಾಲ್ ವರ್ಲ್ಡ್’ ವಾಟ್ಸಪ್ ಗ್ರೂಪಿನ ನರೇಶ್ ಹಾಗೂ ಗುರುಪ್ರಸಾದ್.
