ಮುಂಬಯಿ : ಕುಲಾಲ ಸಂಘ ಮುಂಡ್ಕೂರ್ ನಾನಿಲ್ತಾರ್ ಇದರ ಗೌರವಾಧ್ಯಕ್ಷ, ಜೋಗೇಶ್ವರಿ ದೇವಿ ಪ್ರಸಾದ್ ಹೋಟೆಲ್ ಮಾಲಕ ಐತು .ಆರ್. ಮೂಲ್ಯ ನೇತೃತ್ವದಲ್ಲಿ ಗೋರೆಗಾಂವ್‌ (ಪೂ.) ದುರ್ಗಾದೇವಿ ಮಂದಿರದಲ್ಲಿ ಸಾಮೂಹಿಕ ಶ್ರೀ ವರಮಹಾಲಕ್ಷ್ಮೀ ಪೂಜೆಯು ಚಾರ್ಕೋಪ್‌ ಸಂತೋಷ್‌ ಭಟ್‌ ಪೌರೋಹಿತ್ಯದಲ್ಲಿ ವಿವಿಧ ಧಾರ್ಮಿಕ, ಸಾಮಾಜಿಕ ಕಾರ್ಯಕ್ರಮಗಳೊಂದಿಗೆ ಆ. ೧೫ರಂದು ಜರಗಿತು.
ಸಮಾರಂಭದಲ್ಲಿ ಮುಂಬಯಿ ಕುಲಾಲ ಸಂಘದ ಮಹಿಳಾ ವಿಭಾಗದ ಮಾಜಿ ಕಾರ್ಯಾಧ್ಯಕ್ಷೆ ಸುಮತಿ ಬಂಜನ್ ಅವರನ್ನು ಗಣ್ಯರ ಸಮ್ಮುಖದಲ್ಲಿ ಶಾಲು ಹೊದೆಸಿ, ಫಲಪುಷ್ಪ, ಸ್ಮರಣಿಕೆ ನೀಡಿ ಗೌರವಿಸಲಾಯಿತು. ಮುಂಬಯಿಯ ಮುಂಡ್ಕೂರು ಕುಲಾಲ ಸಂಘದ ಪದಾಧಿಕಾರಿಗಳಾದ ವಸಂತ ಬಂಗೇರ ಬೇಲಾಡಿ, ಕೃಷ್ಣ ಮೂಲ್ಯ, ದಿನೇಶ್ ಬಂಗೇರ, ಹರೀಶ್ ಮೂಲ್ಯ, ಕೇಶವ ಬಂಜನ್ ಮುಂತಾದವರು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ಅಪಾರ ಸಂಖ್ಯೆಯಲ್ಲಿ ಮಹಿಳೆಯರು, ಭಕ್ತರು ಪಾಲ್ಗೊಂಡಿದ್ದರು. ಪ್ರಾರಂಭದಲ್ಲಿ ದುರ್ಗಾದೇವಿ ಮಂದಿರದ ಸದಸ್ಯರಿಂದ ಭಜನೆ ನಡೆಯಿತು.
