ಉಡುಪಿ: ಬಹುನಿರೀಕ್ಷಿತ ಕುಂದಾಪ್ರ ಕನ್ನಡದ ಕಲಾತ್ಮಕ ಕಿರು ಚಿತ್ರ ಅಣ್ಣು ಇದರ ಆಡಿಯೋ ರಿಲೀಸ್ ಸಮಾರಂಭ ಕಟಪಾಡಿಯ ಜೆಸಿ ಸಭಾ ಭವನದಲ್ಲಿ ಸಂಭ್ರಮದಿಂದ ಜರುಗಿತು. ಕನ್ನಡದ ಪ್ರಸಿದ್ದ ನಿರ್ದೆಶಕ ಗಿರೀಶ್ ಕಾಸರವಳ್ಳಿಯವರು ಅಣ್ಣು ಆಡಿಯೋವನ್ನು ಬಿಡುಗಡೆ ಮಾಡಿ “ಅಣ್ಣು ಕುಂದಾಪ್ರ ಕನ್ನಡದ ಕಾತುರದ ಕಲಾತ್ಮಕ ಕಿರು ಚಿತ್ರವಾಗಿದ್ದು ನಾವೆಲ್ಲ ಈ ಸಿನಿಮಾವನ್ನು ನೋಡಲು ಕಾತುರರಾಗಿದ್ದೇವೆ ಎಂದು ಶುಭ ಹಾರೈಸಿದರು.
ಸಮಾರಂಭದಲ್ಲಿ ಅಣ್ಣು ಸಿನಿಮಾದ ನಿರ್ಮಾಪಕ ರಾಘವೇಂದ್ರ ಶಿರಿಯಾರ, ನಟ ಜಾದುಗಾರ ಓಂ ಗಣೇಶ್, ರಾಜ್ಯ ಸೆನ್ಸಾರ್ ಮಂಡಳಿಯ ಸದಸ್ಯ ಗೋಪಿನಾಥ್ ಇನ್ನಿತರ ಗಣ್ಯರು ಉಪಸ್ಥಿತರಿದ್ದರು.
ಮಂಜುನಾಥ ಕುಲಾಲ್ ಹಿಲಿಯಾಣ ಕಥೆಯಾಧಾರಿತ ಅಣ್ಣು ಸಿನಿಮಾದ ಬಿಡುಗಡೆ ಅಗಸ್ಟ್ 21 ಭಾನುವಾರ ಸಂಜೆ ಮೂರು ಗಂಟೆಗೆ ಬಾರ್ಕೂರು- ಸಾಯಿಬ್ರಕಟ್ಟೆಯ ಜಿ ಎಸ್ ಬಿ ಸಭಾ ಭವನದಲ್ಲಿ ನೆಡೆಯಲಿದೆ. ನಿರ್ದೆಶಕ ಜಿ ಎನ್ ಮೂರ್ತಿ, ಸಮಾಜ ಶಾಸ್ತ್ರಜ್ಞ ಡಾ. ಅಣ್ಣಯ್ಯ ಕುಲಾಲ್, ನಟ ಜಾದುಗಾರ ಓಂ ಗಣೇಶ್ ಇನ್ನಿತರ ಗಣ್ಯರು ಪಾಲ್ಗೊಳ್ಳಲಿದ್ದಾರೆ.
