ಮಂಗಳೂರು : ದ.ಕ ಜಿಲ್ಲಾ ಮೂಲ್ಯರ ಯಾನೆ ಕುಲಾಲರ ಮಾತೃ ಸಂಘದ ವತಿಯಿಂದ `ಆಟಿದ ನೆಂಪು’ ಕಾರ್ಯಕ್ರಮವು ನಾಸಿಕ್ ಬಿ.ಹೆಚ್ ಬಂಗೇರ ಹಾಲ್ ನ ನಾರ್ಣಪ್ಪ ವೇದಿಕೆಯಲ್ಲಿ ಜು.೩೧ ರಂದು ಜರುಗಿತು.
ಸಂಘದ ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ಸುಜಿರ್ ಕುಡುಪು ಜೊತೆ ಕಾರ್ಯಕಾರಿ ಮಂಡಳಿ ಸದಸ್ಯರು, ಮಹಿಳಾ ಮಂಡಲ ಸದಸ್ಯರು ,ಸೇವಾದಳ ಯುವವೇದಿಕೆಯ ಸದಸ್ಯರು ಹಾಗೂ ಜಿಲ್ಲೆಯ ವಿವಿಧ ಸಂಘಗಳ ಅಧ್ಯಕ್ಷರು ಈ ಸಂದರ್ಭ ಉಪಸ್ಥಿತರಿದ್ದರು. ಸಮಾರಂಭದಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಡಾ ದುಗ್ಗಪ್ಪ ಕಜೆಕಾರ ಭಾಗವಹಿಸಿ, ಆಟಿ ತಿಂಗಳ ವೈವಿಧ್ಯತೇ ಕುರಿತು ಮಾತನಾಡಿದರು.
ಮಹಿಳಾ ಮಂಡಳಿಯ ಹಾಗು ಸೇವಾದಳದ ಕಾರ್ಯಕರ್ತರು ವಿವಿಧ ನೃತ್ಯ-ಸಂಗೀತ ಕಾರ್ಯಕ್ರಮಗಳನ್ನ ನಡೆಸಿಕೊಟ್ಟು ಸಭಿಕರನ್ನು ರಂಜಿಸಿದರು. ಮಹಿಳಾ ಮಂಡಳಿ ಸದಸ್ಯರು ಮನೆಯಿಂದ ತಯಾರಿಸಿ ತಂದ ಆಟಿ ತಿಂಗಳ ವಿಶೇಷ ಆಹಾರ ಖಾದ್ಯಗಳ ಉಣಬಡಿಸಿ ಆಟಿಯ ನೆಂಪು ಕಾರ್ಯಕ್ರಮವನ್ನು ಅವಿಸ್ಮರಣೀಯ ಗೊಳಿಸಿದರು.
