ಅಗಸ್ಟ್ 7ರಂದು `ಅಣ್ಣು’ ಸಿನಿಮಾದ ಆಡಿಯೋ ರಿಲೀಸ್

ಉಡುಪಿ : ಬಹುನಿರೀಕ್ಷಿತ ಕುಂದಾಪುರ ಕನ್ನಡದ ಕಲಾತ್ಮಕ ಚಿತ್ರ “ಅಣ್ಣು” ಇದರ ಚಿತ್ರೀಕರಣ ಪೂರ್ಣವಾಗಿ ಮುಗಿದಿದ್ದು ಆಗಸ್ಟ್ ೨೧ ರಂದು ಸಂಭ್ರಮದಿಂದ ಬಿಡುಗಡೆಗೊಳ್ಳಲಿದೆ.
ಕುಲಾಲ ಸಮಾಜದ ಯುವ ಕಥೆಗಾರ ಮಂಜುನಾಥ ಹಿಲಿಯಾಣ ಅವರ ಕಥೆಯಾಧಾರಿತ ಬಾಸುಮ ಕೊಡಗು ನಿರ್ದೇಶನದ “ಅಣ್ಣು” ಕಲಾತ್ಮಕ ಸಿನಿಮಾ ಅತ್ಯಂತ ಸುಂದರ ಮತ್ತು ಅರ್ಥಪೂರ್ಣ ಹಾಡುಗಳನ್ನು ಒಳಗೊಂಡ ಸಿನಿಮವಾಗಿದ್ದು, ಇದರ ಆಡಿಯೋ ಬಿಡುಗಡೆಯು ಇದೇ ಆಗಸ್ಟ್ 7ರಂದು ಕಟಪಾಡಿ ಜೆಸೀ ಸಭಾಭವನದಲ್ಲಿ ನಡೆಯಲಿದೆ. ಖ್ಯಾತ ನಿರ್ದೇಶಕ ಗಿರೀಶ್ ಕಾಸರವಳ್ಳಿ, ಜಾದೂಗಾರ ಓಂ ಗಣೇಶ್ , ಸೆನ್ಸಾರ್ ಮಂಡಳಿ ಸದಸ್ಯ ಗೋಪಿನಾಥ್ ಮುಂತಾದವರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ.