ಒಲವೇ ಓ ನನ್ನೊಲವೇ
ಮನವನು ಕಲಕಿ, ಪ್ರೀತಿಯ ಕಲಿಸಿ,
ಈ ಬಾಳಿನಾ ಅಂದವ ಹೆಚ್ಚಿಸಿದೆ
ಮಮತೆಯ ಸುಧೆಯ ನೀ ಹರಿಸಿದೆ
ಒಲವೇ ಓ ನನ್ನೊಲವೇ
ಬಿರುಗಾಳಿಗೆ ಸಿಲುಕಿ ದಾರ ಕಡಿದ ಪಟಕೆ
ಆಸರೆ ನೀ ನೀಡಿದೆ, ಚೈತನ್ಯ ತುಂಬಿದೆ
ಎಲ್ಲಾ ಶೂನ್ಯವೆಂದು ಹೊರಟ ಈ ದೇಹಕೆ
ಆಸೆ ತುಂಬಿದೆ, ಬದುಕಲು ಕಲಿಸಿದೆ
ಒಲವೇ ಓ ನನ್ನೊಲವೇ
ಎಷ್ಟೊಂದು ಸುಂದರ ಒಡನಾಟ ನಿನ್ನ
ಕನಸಲಿ ಕಾಡುವ ನೋಟ ನಿನ್ನ
ಕಾದಿಹೆ ಈ ಮನ ಬೆರೆತು ನಿನ್ನ
ಸಾಗಲು ಕಾಲಚಕ್ರದಿ,
ಜೊತೆಗೂಡಿ ಬಾಳೆಂಬ ರಥದಿ
ಒಲವೇ ಓ ನನ್ನೊಲವೇ
ರಚನೆ: ಶಶಿಕುಮಾರ್ ವಿ. ಕುಲಾಲ್
