ನಿತ್ಯ ಕಾಪುನ ದೈವಾ
ದಾಯೆಗ್ ಮನಿಪಂದೆ ಕುಲ್ಯ
ನಿನನೇ ನಂಬುದು ಉಲ್ಲ
ಕಾರ್ಣಿಕ ತೊಜಾಲ ಓಲ್ಲಾ
ಕಾಡ್ ದ ಪುರ್ಪದ ತೋಡುದ ನೀರ್ ದ
ಸುಗಿಪುಗು ಆನಿ ಓ ಕೊನುಯ
ಈ…ಓ ಕೊನುಯ
ಮರತ ಮುದೆಲ್ ಡ್ ಕಾಟ್ ಕಲ್ಲ್ ಡ್
ಬಕುತಿದ ಲೆಪ್ಪುಗು ನಿಲೆ ಆಯಾ
ಈ..ನಿಲೆ ಆಯಾ //
ಅಪ್ಪೆನೆ ಆದ್ ಬಾಮಿಯ ಈಯೆ
ತಮ್ಮಲೆ ಲೆಕ್ಕೊ ಕಾತೊನಿಯ
ಈ..ಕಾತೊನಿಯ
ಬಲಸಿನ ಪನಿಯರ ಗಿಂಡೆದ ಪೇರ್ ಗ್
ಅಭಯದ ಬೂಲ್ಯ ಈ ಕೊರಿಯ
ಬೂಲ್ಯ ಈ ಕೊರಿಯ//
ಕಣ್ಣ್ ಗ್ ತೋಜಂದಿ ಸೀಕ್ ದ ಬಿತ್ತ್ ನ್
ಮಾಯೊಡು ದಾಯೆ ಮಾಜವುಜ
ಈ…ಮಾಜವುಜಾ
ನಂಬಿನ ಮಂದೆನೆ ಕಂಗಾಲಾತ್ಂಡ್
ಕೈ ಸಾಂಗಾದ್ ಕಾತೊನುಲ
ಈ…ಕಾತೊನುಲ//
ಅಂಕೊ ಆಯನೊ ದಾಂತೆನೆ ಪೋಂಡು
ಗುಂಡೊದ ಉಲಯಿ ದೆಂಗ್ ದನಾ
ಈ..ದೆಂಗ್ ದನಾ
ಗುಂಡೊದ ಬಾಕಿಲ್ ಜತ್ ದ್ ಬತ್ ದ್
ಬೈದಿನ ಮಾರಿನ್ ಗಿಡಪುವನ
ಈ…ಗಿಡಪುವನ//
