ಅಮಲ್
ಬಯ್ಯದ ಬೊಲ್ಪು ಕಂತುನ ಪೊರ್ತಾನಗ
ಕಾರ್ ಬಾರ್ದಂಚಿ ಒಯ್ಯುಪುನಗ
ದೊಸ್ತಿಲು ಬಲ ಮಾರಯ ಪನ್ನಗ
ಕುಪ್ಪಿ ಗ್ಲಾಸ್ ದ ಕನ ಕಟ್ಟುನಗ
ಬಾಯಿ ಚಪ್ಪೆ ಚಪ್ಪೆ ಆನಗ
ಅಜಿಪ ಸೂನ್ಪದ ನೆನಪಾನಗ
ಕಾಯ್ತಿನ ಬಂಗುಡೆದ ಕಮ್ಮೆನ ಬನ್ನಗ
ಬಾರ್ ದ ಜವನೆ ಕಣ್ಣ್ ಡೇ ಲೆಪ್ಪುನಗ
ಮನಸ್ ಮರ್ಲಾದ್ ಪೋನಗ
ಒಂಜಿ ಸೊನ್ಪ ದಂಗದಾನಗ
ಕುಡ ಸೊನ್ಪದ ಅಂಗಲ್ಪಾನಗ
ಕಿಸೆಟ್ ಇತ್ತಿ ಕಾಸ್ ಪೊಡಿ ಪೊನಗ
ರಪ್ಪ ಯಜಮಾನ್ದಿನ ಮೋನೆ ತೋಜಿನಗ
ಕೈಟ್ ಅಲೆನ ಜಾಲ್ಡಿತ್ತಿ ಕನಕ್ ನಲಿಪುನಗ
ಪರ್ತಿನ ಅಮಲ್ ಒರಟ್ಟೇ ಜತ್ತುಂಡಪ್ಪ…!
ಕಾಲ ಬದಲಾಂಡ್
ಚೌಳಿ ಗಾಳಿ ಬೀಜೊಂದು ಉಂಡು
ದೂರೊಡು ಬರ್ಸ ಬರ್ಪಿಲೆಕ್ಕುಂಡು
ಕರಿ ಮುಗಲ್ ಬಾನೋ ಸಾದಿಡ್ ಪೋವೊಂದುಂಡು
ತೆಡಿಲ್ ಅಜನೆ ಆವೊಂದುಂಡು
ಮೆಂಚಿ ಬೊಲ್ಕಿರ್ ರಾಪಾವುಂಡು
ಪಕ್ಕಿ ಪಾಂತೆಲು ಗೂಡು ಸೇರೊಂದುಂಡು
ಕಂಜಿ ಕೈಕಂಜಿಲು ಕಿದೆ ಸಾದಿ ಪತ್ತುಂಡು
ತತ್ರ ಪತ್ತುನ ನರಮಾನಿ ಇತ್ತೆ ಏರುಂಡು
ಅಡ್ಡೋಗಡ್ಡ ಪಾರುನ ತೂಯೆರೆ ಪೊರ್ಲುಂಡು
ಈ ಕಾಲೋದ ಬರ್ಸೋದ ಕರಕರಿ ಜೋರುಂಡು
ಬೋಡಾನಗ ಇಜ್ಜಿ ಬೊಡ್ಚಾನಗ ದೊರಿಯುಂಡು
ಸಾಗೋಲಿ ನಂಬಿನಕ್ಲೆ ಕಂಡ ಪಡೀಲುಂಡು
ಕಂಡೋಡು ಬೆನ್ಯೆರೆ ಜನಕ್ ಬರಗಾಲವುಂಡು
ನುಗ ನಾಯೆರ್ ಮಾತ ಅಟ್ಟ ಸೇರ್ದಾಂಡ್
ಎರು ಬೋರಿ ಸಂತೆ ಪಾಲಾಂಡ್
ಕಲ್ತಿ ಜನಕುಲು ಪೇಂಟೆ ಸೇರ್ದಾಂಡ್
ಉನ್ಯೆರೆ ಅರಿ ಬಾರ್ ಅಂಗಡಿಡುಂಡು
ತುಳುನಾಡ್ ಏತ್ ಪೊರ್ಲು ಇತ್ತುಂಡು
ಬರೆತಿನಾರ್ : ಸಿ. ಎಸ್ . ಕುಲಾಲ್, ಬಂಟ್ವಾಳ
