ಕಾರ್ಕಳ(ಅ.೨೧): ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಷನ್ ಕಾರ್ಕಳ ವಲಯದ ನೂತನ ಅಧ್ಯಕ್ಷರಾಗಿ ಭಾಸ್ಕರ್ ಕುಲಾಲ್ ಕುತ್ಯಾರು ಆಯ್ಕೆಯಾಗಿದ್ದಾರೆ. ತುಳುವ ಮಾಣಿಕ್ಯ ಬಿರುದಾಂಕಿತ ತುಳು ರಂಗಭೂಮಿ ಕಲಾವಿದ , ಚಿತ್ರ ನಟ ಅರವಿಂದ್ ಬೋಳಾರ್ ಮತ್ತು ತುಳುವ ಐಸಿರಿ ಡ್ಯಾನ್ಸಿಂಗ್ ಸ್ಟಾರ್ ಅಧ್ವಿಕಾ ಶೆಟ್ಟಿಯವರ ಗೌರವ ಉಪಸ್ಥಿತಿಯಲ್ಲಿ ದ.ಕ .ಉಡುಪಿ ಉಭಯ ಜಿಲ್ಲೆಯ ಎಸ್. ಕೆ. ಪಿ. ಎ ಯ ಪದಾಧಿಕಾರಿಗಳ ಸಮಕ್ಷಮದಲ್ಲಿ ಕಾರ್ಕಳ ಜೋಡುರಸ್ತೆಯ ಕುಲಾಲ ಸಭಾಭವನದಲ್ಲಿ ಕಾರ್ಕಳ ವಲಯ ಎಸ್. ಕೆ. ಪಿ. ಎ ಯ ಪದಗ್ರಹಣ ಸಮಾರಂಭವು ಅದ್ದೂರಿಯಾಗಿ ಜರುಗಿತು.
ಶ್ರೀಮತಿ ಇಂದಿರಾ ಮತ್ತು ಶ್ರೀ ಮಹಾಬಲ ಕುಲಾಲ್ ಕುತ್ಯಾರು ಇವರ ಸುಪುತ್ರರಾದ ಭಾಸ್ಕರ್ ಕುಲಾಲ್ ರವರು ಕಾರ್ಕಳದ ಹೃದಯ ಭಾಗದಲ್ಲಿರುವ ವೆಂಕಟರಮಣ ಕಾಂಪೆಕ್ಸ್ ನ ಮೊದಲ ಮಹಡಿಯಲ್ಲಿ ಭಾಸ್ಕರ್ ಡಿಜಿಟಲ್ ಎಂಬ ಗ್ರಾಫಿಕ್ ಡಿಸೈನ್ ಮತ್ತು ಛಾಯಾಗ್ರಹಣದ ಸಂಸ್ಥೆ ಹೊಂದಿದ್ದಾರೆ. ಕಾರ್ಕಳ ಕುಲಾಲ ಸಂಘದ ಸಕ್ರಿಯ ಸದಸ್ಯರಾದ ಭಾಸ್ಕರ್ ಕುಲಾಲ್ ರವರು ಸೌಮ್ಯ ಸ್ವಭಾವದ ಸದಾ ನಗು ಮೊಗದ ಕಾರ್ಕಳ ಕುಲಾಲ ಸಂಘದ ಎಲ್ಲಾ ಕಾರ್ಕ್ರಮಗಳಿಗೆ ತಮ್ಮ ಕಾಣಿಕೆಯನ್ನು ಪ್ರೀತಿಯಿಂದ ನೀಡುತ್ತಾ ಬಂದಿದ್ದಾರೆ. ಅಷ್ಟೇ ಅಲ್ಲದೆ ಉಚಿತವಾಗಿ ಛಾಯಾಗ್ರಹಣ ಕೂಡಾ ನೀಡಿರುತ್ತಾರೆ. ಭಾಸ್ಕರ್ ಅವರು `ಕುಲಾಲ ಚಾವಡಿ’ಯ ಎಲ್ಲಾ ಸಮಾಜಮುಖಿ ಕಾರ್ಯಗಳಿಗೆ ಬೆನ್ನೆಲುಬಾಗಿ ನಿಲ್ಲುವ ಓರ್ವ ಸಹೃದಯಿ ವ್ಯಕ್ತಿತ್ವವುಳ್ಳವರು.
- ಸಂತೋಷ್ ಕುಲಾಲ್ ಪದವು
