ಮುಂಬಯಿ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): 2016 ಜೂನ್ ತಿಂಗಳಲ್ಲಿ ನಡೆದ ನರಶಸ್ತ್ರಚಿಕಿತ್ಸೆ (Neurosurgery) ಡಿಎನ್ ಬಿ ಅಂತಿಮ ಪರೀಕ್ಷೆಯಲ್ಲಿ ರ್‍ಯಾಂಕ್‌ ಗಳಿಸಿರುವ ಮುಂಬಯಿ ಥಾಣೆಯ ಡಾ. ಪುಷ್ಪರಾಜ್ ಮೂಲ್ಯ ಅವರು ರಾಷ್ಟ್ರಪತಿ ಸುವರ್ಣ ಪದಕ (ಪ್ರೆಸಿಡೆಂಟ್ ಗೋಲ್ಡ್ ಮೆಡಲ್) ಗಳಿಸಿದ್ದಾರೆ.
ನ್ಯಾಷನಲ್ ಬೋರ್ಡ್ ಎಕ್ಸಾಮಿನೇಷನ್ (ಎನ್ ಬಿ ಇ) ವತಿಯಿಂದ ಸೆ. 24ರಂದು ನವದೆಹಲಿಯ ವಿಜ್ಞಾನ ಭವನದಲ್ಲಿ ನಡೆಯಲಿರುವ ೧೯ನೇ ಘಟಿಕೋತ್ಸವದಲ್ಲಿ ಪುಷ್ಪರಾಜ್ ಅವರು ಪದಕ ಸ್ವೀಕರಿಸಲಿದ್ದಾರೆ.
ದೇರಳಕಟ್ಟೆ ಕೆ ಎಸ್ ಹೆಗ್ಡೆ ಮೆಡಿಕಲ್ ಕಾಲೇಜಿನಲ್ಲಿ ಎಂಬಿಬಿಎಸ್ ಪದವಿ ಪೂರೈಸಿರುವ ಪುಷ್ಪರಾಜ್ ಮೂಲ್ಯ ಅವರು ಕೊಲ್ಹಾಪುರದ ವಿನ್ಸ್ (WIINS) ಆಸ್ಪತ್ರೆಯಲ್ಲಿ ನರಶಸ್ತ್ರಚಿಕಿತ್ಸಾ ಪದವಿ ಶಿಕ್ಷಣ ಪಡೆದಿದ್ದಾರೆ. ಪುಷ್ಪರಾಜ್ ಅವರು ಥಾಣೆಯ ಕೃಷ್ಣ ಮೂಲ್ಯ ಮತ್ತು ದೇವಕಿ ಮೂಲ್ಯ ದಂಪತಿಯ ಸುಪುತ್ರ.
