ಮಂಗಳೂರು(ಜೂ.೧೮, ಕುಲಾಲ್ ವರ್ಲ್ಡ್ ನ್ಯೂಸ್): ಕ್ರಿಯಾಶೀಲ ಯುವ ಪತ್ರಕರ್ತ ದಿವಾಕರ್ ಪದ್ಮುಂಜ ಅವರಿಗೆ ದಿ. ನ್ಯೂ ಇಂಡಿಯನ್ ಟೈಮ್ಸ್ ಮೀಡಿಯಾ ನೀಡುವ 2017ನೇ ಸಾಲಿನ `ಬೆಸ್ಟ್ ವಿಡಿಯೋ ಜರ್ನಲಿಸ್ಟ್ ಪ್ರಶಸ್ತಿ’ ಲಭಿಸಿದೆ.
ಕಳೆದ 14-15 ವರ್ಷಗಳಿಂದ ಪತ್ರಿಕೋದ್ಯಮದಲ್ಲಿ ಗುರುತಿಸಿಕೊಂಡು ವಿಡಿಯೋ ಜರ್ನಲಿಸ್ಟ್ ಆಗಿ ವಿವಿಧ ವಾಹಿನಿಗಳಲ್ಲಿ ದುಡಿರುವ ದಿವಾಕರ್ ಅವರು ಪ್ರಸ್ತುತ ದಿಗ್ವಿಜಯ ನ್ಯೂಸ್ ಚಾನೆಲ್‍ನ ಮಂಗಳೂರು ಜಿಲ್ಲಾ ವರದಿಗಾರರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಹಲವು ಸೃಜನಾತ್ಮಕ ದೃಶ್ಯಗಳನ್ನು ಸೆರೆಹಿಡಿದು ಅದಕ್ಕೆ ಅಕ್ಷರ ರೂಪ ಕೊಡುವುದರಲ್ಲಿ ಇವರು ಸಿದ್ಧಹಸ್ತರಾಗಿದ್ದು, ಇವರ ಸಾಧನೆಯನ್ನು ಗುರುತಿಸಿ ಈ ಪ್ರಶಸ್ತಿ ನೀಡಲಾಗಿದೆ.
ಪತ್ರಿಕೋದ್ಯಮವಲ್ಲದೆ ಇತರ ಸಾಮಾಜಿಕ ಹಾಗೂ ಸಾಂಸ್ಕೃತಿಕ ಚಟುವಟಿಕೆಯಲ್ಲೂ ಗುರುತಿಸಿಕೊಂಡಿರುವ ದಿವಾಕರ್ ಅವರು ಬೆಳ್ತಂಗಡಿ ತಾಲೂಕಿನ ಪದ್ಮುಂಜ ಗ್ರಾಮದ ಕುಂಞ ಮೂಲ್ಯ -ಪದ್ಮಾವತಿ ದಂಪತಿಯ ಸುಪುತ್ರರು.
