ಉಡುಪಿ(ಜೂನ್ ೦೩, ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಕುಲಾಲ ಬಾಂಧವರು ಕಾಪು ಕಳತ್ತೂರು ಒಕ್ಕೂಟದ ನಾಲ್ಕನೇ ವಾರ್ಷಿಕ ಸಭೆಯಲ್ಲಿ ಪಿಯುಸಿ ಪರೀಕ್ಷೆಯಲ್ಲಿ ಉನ್ನತ ಶ್ರೇಣಿಯಲ್ಲಿ ಪಾಸಾದ ಸಮುದಾಯದ ಪ್ರತಿಭಾನ್ವಿತ ವಿದ್ಯಾರ್ಥಿಗಳಾದ ಕು. ನಿಕಿತಾ ಕುಲಾಲ್ ಮತ್ತು ಚೇತನ್ ಕುಲಾಲ್ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು.
ಕಾರ್ಯಕ್ರಮದಲ್ಲಿ ಕುಲಾಲ ಒಕ್ಕೂಟ ಕಳತ್ತೂರಿನ ಹಿರಿಯರಾದ ಬಾಡು ಕುಲಾಲ್, ಸಂಜೀವ ಕುಲಾಲ್, ಶಂಕರ ಕುಲಾಲ್, ಸತೀಶ್ ಕುಲಾಲ್, ಶಂಕರ ಕುಲಾಲ್, ಸುಗಂಧಿ ಮೂಲ್ಯ, ಸುಂದರ ಮೂಲ್ಯ, ಸದಾನಂದ ಮೂಲ್ಯ,ರಾಜೇಶ್ ಕುಲಾಲ್ ಪೈಯ್ಯಾರು ಇನ್ನಿತರರು ಉಪಸ್ಥಿತರಿದ್ದರು. ಸಭೆಯಲ್ಲಿ ಸಮುದಾಯದ ಕಾರ್ಯಚಟುವಟಿಕೆಗಳ ಬಗ್ಗೆ ಚರ್ಚೆ ನಡೆಯಿತು. ಕಾಂಚನ ಕುಲಾಲ್ ಅವರ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಆರಂಭಗೊಂಡಿತು. ಉದಯ್ ಕುಲಾಲ್ ಸ್ವಾಗತಿಸಿದರು. ಸಂತೋಷ್ ಕುಲಾಲ್ ಕಾರ್ಯಕ್ರಮ ನಿರೂಪಿಸಿದರು.
