ಮುಂಡ್ಕೂರು ನಾನಿಲ್ತಾರ್ ಕುಲಾಲ ಸಂಘದಲ್ಲಿ ಸಾರ್ವಜನಿಕ ಶ್ರೀಸತ್ಯನಾರಾಯಣ ಪೂಜೆ

ಬೆಳ್ಮಣ್ಣು(ಮೇ.೨೦, ಕುಲಾಲ್ ವರ್ಲ್ಡ್ ನ್ಯೂಸ್): ಮುಂಡ್ಕೂರು ನಾನಿಲ್ತಾರ್ ಕುಲಾಲ ಸಂಘದ ಸಭಾಭವನದಲ್ಲಿ ಸಾರ್ವಜನಿಕ ಶ್ರೀಸತ್ಯನಾರಾಯಣ ಪೂಜೆಯು ಮೇ.೨೦ರಂದು ನಡೆಯಿತು.

ಪೂಜೆ ಬಳಿಕ ಸಂಘದ ಅಧ್ಯಕ್ಷರಾದ ಕುಶ ಆರ್ ಮೂಲ್ಯರ ಅಧ್ಯಕ್ಷತೆಯಲ್ಲಿ ಧಾರ್ಮಿಕ ಸಭಾ ಕಾರ್ಯಕ್ರಮ ನಡೆಸಲಾಗಿದ್ದು, ಕೃಷ್ಣ ಮೂಲ್ಯ (ವ್ಯವಸ್ಥಾಪಕರು ಶ್ರೀ ಕ್ಷೇತ್ರ ಅಂಬಾದೇವಿ ಗುಂಡ್ಯಡ್ಕ, ಕಾಬೆಟ್ಟು ಕಾರ್ಕಳ) ಇವರು ಧಾರ್ಮಿಕ ಪ್ರವಚನಗೈದರು. ಮುಖ್ಯ ಅತಿಥಿಗಳಾಗಿ ಸಂತೋಷ್ ಕುಲಾಲ್( ಕುಲಾಲ ಸಮಾಜ ಕಲ್ಯಾಣ ಸಂಘ, ಹೊಸಮಾರು), ವಸಂತ ಕುಮಾರ್ (ವ್ಯವಸ್ಥಾಪಕರು, ಮಾಧ್ಯಮ ಬಿಂಬ ಪತ್ರಿಕೆ, ಕಾರ್ಕಳ) , ಆಶಾ ( ಅಧ್ಯಕ್ಷರು, ಕುಲಾಲ ಮಹಿಳಾ ಘಟಕ) ವೇದಿಕೆಯಲ್ಲಿ ಉಪಸ್ಥಿರಿದ್ದರು.