ಕುಂಬಾರಿಕೆ ಕಲೆ ಪರಿಣಿತ ಬೊಗ್ಗು ಕುಲಾಲರಿಗೆ ಜಾನಪದ ಪ್ರಶಸ್ತಿ

ಉಡುಪಿ (ಮಾ.೧೮, ಕುಲಾಲ್ ವರ್ಲ್ಡ್ ನ್ಯೂಸ್) : ಕುಂಬಾರಿಕೆ ಕಲೆ ಪರಿಣಿತರಾದ ಬೊಗ್ಗು ಕುಲಾಲ್ ಇವರಿಗೆ ಕೆಮ್ಮಲಜೆ ಜಾನಪದ ಪ್ರಕಾಶನದಿಂದ ನೀಡುವ 2017ನೇ ಸಾಲಿನ ಬನ್ನಂಜೆ ಬಾಬು ಅಮೀನ್ ಜಾನಪದ ಪ್ರಶಸ್ತಿಯನ್ನು ಪ್ರಕಟಿಸಲಾಗಿದೆ.
ಬೊಗ್ಗು ಕುಲಾಲ್ ಕಳೆದ 50 ವರ್ಷಗಳಿಂದ ಕುಂಬಾರಿಕೆ ವೃತ್ತಿಯಲ್ಲಿ ತಮ್ಮನ್ನು ತೊಡಗಿಸಿಕೊಂಡವರು. ಕಲಾತ್ಮಕವಾಗಿ ಕುಂಬಾರಿಕೆ ರಚನೆಯಲ್ಲಿ ಪಳಗಿದವರು. ಇಂದಿಗೂ ಅದೇ ಕಸುಬನ್ನು ಮುಂದುವರಿಸಿ ಆ ಕಲೆಯ ಚಲನಶೀಲತೆಗೆ ಕಾರಣರಾಗಿದ್ದಾರೆ. ಅವರು ಈ ಕಲೆಗೆ ನೀಡಿದ ಕೊಡುಗೆಯನ್ನು ಪರಿಗಣಿಸಿ ಬನ್ನಂಜೆ ಬಾಬು ಅಮೀನ್ ಕಲಾವಿದ ಪ್ರಶಸ್ತಿಯನ್ನು ನೀಡಲಾಗುತ್ತದೆ. ಜಾನಪದ ವಿದ್ವಾಂಸ ಹಾಗೂ ಸಂಶೋಧಕ ಮುದ್ದು ಮೂಡುಬೆಳ್ಳೆ ಅವರಿಗೂ ಇದೇ ವೇಳೆ ಪ್ರಶಸ್ತಿ ನೀಡಲಾಗುತ್ತದೆ.
ಡಾ.ವೈ.ಎನ್.ಶೆಟ್ಟಿ ಅಧ್ಯಕ್ಷತೆಯ ಡಾ.ಗಣನಾಥ ಎಕ್ಕಾರು, ಡಾ.ದುಗ್ಗಪ್ಪ ಕಜೆಕಾರ್, ಎಸ್.ಎ.ಕೃಷ್ಣಯ್ಯ ಅವರನ್ನೊಳಗೊಂಡ ಸಮಿತಿ ಈ ಪ್ರಶಸ್ತಿಗೆ ಆಯ್ಕೆ ಮಾಡಿದೆ. ಪ್ರಶಸ್ತಿಯು 10,000ರೂ. ನಗದು, ಪ್ರಶಸ್ತಿ ಪತ್ರ, ಸ್ಮರಣಿಕೆಗಳನ್ನು ಒಳಗೊಂಡಿದೆ. ಮಾ.24ರ ಶನಿವಾರ ಸಂಜೆ 5:00 ಗಂಟೆಗೆ ಉಡುಪಿಯ ದುರ್ಗಾ ಇಂಟರ್‌ನಾಷನಲ್ ಹೋಟೆಲ್ ಸಭಾಂಗಣದಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದೆ.

‘