ಬಂಟ್ವಾಳ(ಫೆ.೨೦, ಕುಲಾಲ್ ವರ್ಲ್ಡ್ ನ್ಯೂಸ್) : ತೀವ್ರ ಕುತೂಹಲ ಮೂಡಿಸಿದ್ದ ಹಾಗೂ ಸಾಕಷ್ಟು ಮಾಧ್ಯಮ ಪ್ರಚಾರ ಪಡೆದಿದ್ದ ಬಂಟ್ವಾಳ ಪುದು ಗ್ರಾಮ ಪಂಚಾಯತ್ ಚುನಾವಣೆ ಫಲಿತಾಂಶ ಪ್ರಕಟವಾಗಿದ್ದು ಇಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಯಾಗಿ ನೆತ್ತರಕೆರೆ ವಾರ್ಡ್ ನಿಂದ ಸ್ಪರ್ಧಿಸಿದ್ದ ಕುಲಾಲ ಸಮುದಾಯದ ನಾಗವೇಣಿ .ಹೆಚ್. ಅವರು ಜಯಗಳಿಸಿದ್ದಾರೆ.
ಗೋವಿಂದೋಟ ನಿವಾಸಿ ಹರೀಶ್ಚಂದ್ರ ಕುಲಾಲ್ ಅವರ ಪತ್ನಿಯಾಗಿರುವ ನಾಗವೇಣಿ ಅವರು ಅಲಮಾರು ಚಿಹ್ನೆಯಿಂದ ಸ್ಪರ್ಧಿಸಿದ್ದು ಒಟ್ಟು 364 ಮತ ಗಳಿಸಿದ್ದಾರೆ. ಪುದು ಗ್ರಾಮ ಪಂಚಾಯತ್ ನ 10 ವಾರ್ಡ್ ಗಳ 34 ಸ್ಥಾನಗಳಿಗೆ ಚುನಾವಣೆ ನಡೆದಿದ್ದು, ಇದರಲ್ಲಿ ಕಾಂಗ್ರೆಸ್ ಬೆಂಬಲಿತ 27 ಅಭ್ಯರ್ಥಿಗಳಿಗೆ ಭರ್ಜರಿ ಜಯ ದೊರಕಿದ್ದು ಅವರು ಪಂಚಾಯತ್ ಗದ್ದುಗೆ ಏರಲಿದ್ದಾರೆ. ಭಾರತೀಯ ಜನತಾ ಪಕ್ಷದ ಬೆಂಬಲಿತ ಅಭ್ಯರ್ಥಿಗಳು ಕೇವಲ 6 ಸ್ಥಾನಗಳಿಗೆ ತೃಪ್ತಿ ಪಟ್ಟುಕೊಂಡರೆ ಒಂದು ಸ್ಥಾನ ಎಸ್ಡಿಪಿಐ ಬೆಂಬಲಿತ ಅಭ್ಯರ್ಥಿ ಜಯಿಸಿದರು.
