ಕಾಪು ಕುಲಾಲ ಯುವವೇದಿಕೆಯಿಂದ ಅಪಘಾತದ ಗಾಯಾಳು ಸುಕೇಶ್ ಗೆ ಧನಸಹಾಯ

ಕಾಪು(ಫೆ.೧೬,ಕುಲಾಲ್ ವರ್ಲ್ಡ್ ನ್ಯೂಸ್) : ಅಪಘಾತದಲ್ಲಿ ಗಂಭೀರ ಗಾಯಗೊಂಡು ಚಿಕಿತ್ಸೆಗೆ ಹಣದ ಅಡಚಣೆ ಎದುರಿಸುತ್ತಿದ್ದ ಕಾಪು ಶಾಂತಿಗುಡ್ಡೆಯ ಸುಕೇಶ್ ಕುಲಾಲ್ ಇವರಿಗೆ ಕಾಪು ಕುಲಾಲ ಯುವ ವೇದಿಕೆಯ ಸದಸ್ಯರು 27,650 ರೂ. ನೆರವು ನೀಡುವ ಮೂಲಕ ಹೃದಯ ವೈಶಾಲ್ಯತೆ ಮೆರೆದಿದ್ದಾರೆ.

ಕೆಲ ದಿನಗಳ ಹಿಂದೆ ಸುಕೇಶ್ ಅವರು ಕಳತ್ತೂರು ಅರಬಿಕಟ್ಟೆ ಬಳಿ ಬೈಕ್ ಸ್ಕಿಡ್ ಆಗಿ ತಲೆಗೆ ಗಂಭೀರ ಗಾಯಗೊಂಡು ಅಸ್ಪತ್ರೆಗೆ ದಾಖಲಾಗಿದ್ದರು. ಬಡ ಕುಟುಂಬದ ಅವರ ಪರಿಸ್ಥಿತಿಯನ್ನು ಕಂಡು ಕಾಪು ಕುಲಾಲ ಯುವವೇದಿಕೆಯ ಸದಸ್ಯರು ಹಣ ಸಂಗ್ರಹಿಸಿ ನೀಡಲು ಮುಂದಾಗಿದ್ದರು. ತಮ್ಮ ವಾಟ್ಸಾಪ್ ಗ್ರೂಪ್ ನ ಸಹೃದಯಿ ಮಿತ್ರರಲ್ಲಿ ಈ ಬಗ್ಗೆ ಮನವಿ ಮಾಡಿ ನೆರವು ನೀಡುವಂತೆ ವಿನಂತಿಸಿದ ಪರಿಣಾಮ 27,650 ರೂ. ಸಂಗ್ರಹಗೊಂಡಿತ್ತು. ಈ ಹಣವನ್ನು ಫೆ.14 ಬುಧವಾರ ಸುಕೇಶ್ ಅವರ ಮನೆಗೆ ತೆರಳಿ ಹಸ್ತಾ೦ತರ ಮಾಡಿ, ಸಾಂತ್ವನ ಹೇಳಲಾಯಿತು. ತನ್ನ ಕಷ್ಟ ಅರಿತು ತುರ್ತು ಧನಸಹಾಯಕ್ಕೆ ನೀಡಿ ಸಹಕರಿಸಿದ ಎಲ್ಲಾ ಮಹನೀಯರಿಗೆ ಸುಕೇಶ್ ಧನ್ಯವಾದ ಸಮರ್ಪಿಸಿದರು.
ಧನ ಸಹಾಯ ಹಸ್ತಾಂತರದ ಸಂದರ್ಭ ಕಾಪು ಕುಲಾಲ ಸಂಘದ ಉಪಾಧ್ಯಕ್ಷರು ಸಂದೀಪ್ ಬಂಗೇರ ಶಂಕರಪುರ, ಕಾಪು ಕುಲಾಲ ಯುವ ವೇದಿಕೆ ಅಧ್ಯಕ್ಷ ಉದಯ ಕುಲಾಲ್, ಕುಲಾಲ ಯುವ ವೇದಿಕೆ ಕುತ್ಯಾರು ಘಟಕದ ಪ್ರಮುಖರು ಧೀರಜ್ ಕುಲಾಲ್, ಅರುಣ್ ಕುಲಾಲ್ ಮೂಳೂರು , ಹರೀಶ್ ಕುಲಾಲ್ ಕುಕ್ಕುಂಜ ಮೊದಲಾದವರು ಉಪಸ್ಥಿತರಿದ್ದರು.
ಸುಕೇಶ್ ಕುಲಾಲ್ ಕುಟುಂಬಕ್ಕೆ ನೆರವು ನೀಡುವವರು ಸುಕೇಶ್ ಕುಲಾಲ್ ಸಹೋದರ ಸುದರ್ಶನ್ ಕುಲಾಲ್ ಅವರ ಈ ಕೆಳಗಿನ ಬ್ಯಾಂಕ್ ಖಾತೆಗೆ ಹಣ ಜಮಮಾಡಬಹುದು.

Sudarshan  
S/o : Vittala Moolya
Home number: 2- 63 Kollabettu Padur post
IFSC CODE: KARB0000743
ACCOUNT NUMBER: 7432500100123901
BRANCH ADDRESS: Karanataka Bank Ltd. Shirva
Mobile : 8310385355