ಕಾರ್ಕಳ(ಜ.೨೮, ಕುಲಾಲ್ ವರ್ಲ್ಡ್ ನ್ಯೂಸ್): ಹೆಬ್ರಿ ಶಿವಪುರ ಕುಲಾಲ ಸಂಘದ ಎರಡನೇ ವರ್ಷದ ವಾರ್ಷಿಕೋತ್ಸವ ಸಮಾರಂಭವು ಶಿವಪುರ ಶಂಕರ ದೇವ ಸಭಾಭವನದಲ್ಲಿ ಜ.ರಂದು ನಡೆಯಿತು.
ಸಂಘದ ಅಧ್ಯಕ್ಷ ಗಣೇಶ್ ಹಾಂಡ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಪೆರ್ಡೂರು ಕುಲಾಲ ಸಂಘದ ರಾಮ ಕುಲಾಲ್ ಪಕ್ಕಾಲು, ಐತು ಕುಲಾಲ್ ಕನ್ಯಾನ, ಕಾರ್ಕಳ ಕುಲಾಲ ಸಂಘದ ಭೋಜು ಕುಲಾಲ್ ಬೇಳಂಜೆ ಮೊದಲಾದವರು ಭಾಗವಹಿಸಿದ್ದರು. ಡಾ. ಅಣ್ಣಯ್ಯ ಕುಲಾಲ್ ಉಳ್ತೂರು ದಿಕ್ಸೂಚಿ ಭಾಷಣ ಮಾಡಿದರು.
ಬಚ್ಚ ಹಾಂಡ, ಜಗನ್ನಾಥ ಕುಲಾಲ್, ಶಂಕರ ಕುಲಾಲ್ ಪೆರಂಪಳ್ಳಿ, ಸಂತೋಷ್ ಕುಲಾಲ್ ಪಕ್ಕಾಲ್, ಸತೀಶ್ ಕುಲಾಲ್ ನಡೂರು, ವಿಶ್ವನಾಥ ಕುಲಾಲ್ ಮೊದಲಾದವರು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ನಾಟಿ ವೈದ್ಯ ಚೀ೦ಕ್ರ ಕುಲಾಲ್, ಶಿವಪುರ ಶಂಕರ ದೇವ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯ ಭೋಜು ಕುಲಾಲ್ ಮತ್ತಿತರನ್ನು ಸನ್ಮಾನಿಸಲಾಯಿತು. ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ವಿದ್ಯಾ ಪ್ರೋತ್ಸಾಹಧನ ವಿತರಣೆ ನಡೆಯಿತು. ಸಭಾ ಕಾರ್ಯಕ್ರಮಕ್ಕೂ ಮುನ್ನ ಸಾರ್ವಜನಿಕ ಸತ್ಯನಾರಾಯಣ ಪೂಜೆ ನಡೆಯಿತು.
—ಸಭೆಯ ಹೈಲೈಟ್ಸ್ —
* ಈ ಬಾರಿ ಕರಾವಳಿಯಲ್ಲಿ ಕುಲಾಲರಿಗೆ ರಾಜಕೀಯ ಸ್ಥಾನಮಾನ ಕೊಡುವಂತೆ ಒತ್ತಾಯಿಸಲು ತೀರ್ಮಾನ.
* ಪ್ರತೀ ಜಿಲ್ಲಾ ಪಂಚಾಯತ್ ಕ್ಷೇತ್ರದಲ್ಲಿ ಸಂಘ ಅಥವಾ ಯುವ ವೇದಿಕೆ ರಚನೆ ಮಾಡಲು ತೀರ್ಮಾನ.
* ಸಂಘಗಳು ಉಪ್ಯನ್ ಬರಿ ಬಗ್ಗೆ ಏನೂ ಕೆಲಸ ಸಂಘಗಳು ಮಾಡುತ್ತಿಲ್ಲ ಎಂಬ ದೂರುಗಳು ಬಂದ ಹಿನ್ನೆಲೆಯಲ್ಲಿ ಈ ಬಗ್ಗೆ ಗಂಭೀರ ಚಿಂತನೆ ನಡೆಸಬೇಕು. ಈ ಬರಿಗೆ ಸಂಬಂಧಿಸಿದಂತೆ ಹಿರಿಯರಾದ ಐತು ಕುಲಾಲ್ , ಭೋಜ ಕುಲಾಲ್, ರಾಮ ಕುಲಾಲ್, ಡಾ. ಅಣ್ಣಯ್ಯ ಕುಲಾಲ್ ಸೇರಿ ಮಾಣಿಲ ಸ್ವಾಮೀಜಿ ಹಾಗು ಉಡುಪಿ ಸ್ವಾಮೀಜಿಯವರ ಮಾರ್ಗದರ್ಶನ ಪಡೆದು ಪೆರ್ಡೂರು ಕುಲಾಲ ಸಂಘದಲ್ಲಿ ಹಿರಿಯರು- ಸಾಮಾಜಿಕ ಚಿಂತಕರ ಚಿಂತನಾ ಸಭೆ ನಡೆಸಲು ತೀರ್ಮಾನ.
* ಬೆಳ್ತಂಗಡಿಯ ಕುಂಬಾರರ ಹಕ್ಕೊತ್ತಾಯ ಸಮಾವೇಶದಲ್ಲಿ ಅತೀ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಲು ಕರೆ.
