ಕಡಬ(ಜ.೦೨, ಕುಲಾಲ್ ವರ್ಲ್ಡ್ ನ್ಯೂಸ್): ಯುವಕರನ್ನು ಒಟ್ಟುಸೇರಿಸಿ ಕುಂಬಾರ ಸಮುದಾಯವನ್ನು ಬಲಪಡಿಸುವ ನಿಟ್ಟಿನಲ್ಲಿ ಕಡಬ ದೊಡ್ಡಕೊಪ್ಪದಲ್ಲಿ ಕುಂಬಾರ ಯೂತ್ ಕ್ಲಬ್ ಘಟಕವನ್ನು ಆರಂಭಿಸಲಾಗಿದೆ. ಸಿದ್ದಿವಿನಾಯಕ ಭಜನಾ ಮಂದಿರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಮಾಜದ ಹಿರಿಯ ಮುಖಂಡ, ಸಿದ್ದಿವಿನಾಯಕ ಭಜನಾ ಮಂದಿರದ ಮೊಕ್ತೇಸರ ತಮ್ಮಯ್ಯ ಕುಂಬಾರ ಯೂತ್ ಕ್ಲಬ್ ಉದ್ಘಾಟಿಸಿದರು.
ದೊಡ್ಡಕೊಪ್ಪ ಯೂತ್ ಕ್ಲಬ್ ಅಧ್ಯಕ್ಷ ಕುಂಜ್ಞಣ್ಣ ಕುಂಬಾರ ಅಧ್ಯಕ್ಷತೆ ವಹಿಸಿದ್ದರು. ಗ್ರಾಮ ಪಂಚಾಯತ್ ಸದಸ್ಯ ಮಾಧವ ಎಚ್, ಕ್ಲಬ್ ನ ಕಾರ್ಯದರ್ಶಿ ಮಹೇಶ್ ಜೆ, ಬಾಳಪ್ಪ ಕುಂಬಾರ, ವೆಂಕಪ್ಪ ಕುಂಬಾರ, ಪದ್ಮಯ್ಯ ಕುಂಬಾರ, ಹರೀಶ್ ಜೆ, ಮಹೇಶ್, ಮನೋಜ್, ಜಗನ್ನಾಥ ಮೊದಲಾದವರು ಉಪಸ್ಥಿತರಿದ್ದರು.
