ಬೆಳ್ತಂಗಡಿ (ಡಿ,೨೨, ಕುಲಾಲ್ ವರ್ಲ್ಡ್ ನ್ಯೂಸ್): ಅಳದಂಗಡಿ ಸಮೀಪದ ಶಿರ್ಲಾಲು ಮೂಲ್ಯರ ಯಾನೆ ಕುಲಾಲರ ಸಂಘದ ವಾರ್ಷಿಕೋತ್ಸವ ಮತ್ತು ತಾಲೂಕು ಮಟ್ಟದ ಕ್ರೀಡಾಕೂಟವು ಡಿ.24, ಆದಿತ್ಯವಾರದಂದು ಸಂಘದ ವಠಾರದಲ್ಲಿ ನಡೆಯಲಿದೆ.
ಕ್ರೀಡಾಕೂಟವನ್ನು ನಡುಬೊಟ್ಟು ಕ್ಷೇತ್ರದ ಧರ್ಮದರ್ಶಿ ರವಿ ಎನ್ ಉದ್ಘಾಟಿಸುವರು. ಸಂಘದ ಅಧ್ಯಕ್ಷ ನಿರಂಜನ ಎಸ್ ಅಧ್ಯಕ್ಷತೆ ವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಗುರುವಾಯನಕೆರೆ ಕುಲಾಲ ಸಂಘದ ಅಧ್ಯಕ್ಷ ಪದ್ಮ ಮೂಲ್ಯ ಅನಿಲಡೆ, ಬೆಳ್ತಂಗಡಿ ಕುಲಾಲ ಯುವವೇದಿಕೆಯ ಅಧ್ಯಕ್ಷ ಲೋಕೇಶ್ ಕೆ, ಗುರುವಾಯನಕೆರೆ ಕುಲಾಲ ಸಂಘದ ಸಂಘಟನಾ ಕಾರ್ಯದರ್ಶಿ ಯತೀಶ್ ಸಿರಿಮಜಲು, ಉದ್ಯಮಿಗಳಾದ ದಯಾನಂದ ಕುಲಾಲ್, ರವಿ ಕುಲಾಲ್ ಮೊದಲಾದವರು ಭಾಗವಹಿಸಲಿದ್ದಾರೆ.
ಸಮಾರೋಪ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ರಮಾನಾಥ್ ಏತಡ್ಕ, ದಿವಾಕರ ಮೂಲ್ಯ, ಮೋ೦ಟ ಮೂಲ್ಯ, ಪದ್ಮ ಮೂಲ್ಯ , ಸೋಮನಾಥ ಕುಲಾಲ್, ರಾಜೇಶ್ ಎನ್, ಮಾಧವ ಕುಲಾಲ್, ಸಿದ್ಧಪ್ಪ ಕುಲಾಲ್, ಗೋಪಾಲ ಮೂಲ್ಯ ಸುಲ್ಕೇರಿಮೊಗ್ರು ಮೊದಲಾದವರು ಭಾಗವಹಿಸಲಿದ್ದಾರೆ.
