ಬೆಂಗಳೂರು(ಡಿ. ೪, ಕುಲಾಲ್ ವರ್ಲ್ಡ್ ನ್ಯೂಸ್): ಮಾಜಿ ಪ್ರಧಾನಿ, ಜೆಡಿಎಸ್ ರಾಷ್ಟ್ರೀಯಾಧ್ಯಕ್ಷ ಹೆಚ್.ಡಿ.ದೇವೇಗೌಡ, ಮಾಜಿ ಮುಖ್ಯಮಂತ್ರಿ ಜೆಡಿಎಸ್ ರಾಜ್ಯಾಧ್ಯಕ್ಷ ಹೆಚ್.ಡಿ.ಕುಮಾರಸ್ವಾಮಿ ಅವರನ್ನು ಡಿ.17ರಂದು ಕುಂಬಾರ ಸಮಾಜ ಬಾಂಧವರ ವತಿಯಿಂದ ಬೆಂಗಳೂರಿನಲ್ಲಿ ಸನ್ಮಾನಿಸುವುದಾಗಿ ಜೆಡಿಎಸ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ಶಿವಕುಮಾರ ಚೌಡಶೆಟ್ಟಿ ತಿಳಿಸಿದರು.
ಕುಂಬಾರ ಜನಾಂಗಕ್ಕೆ ಆದ್ಯತೆ ನೀಡಿ ಮೊಟ್ಟಮೊದಲಿಗೆ ತನ್ನನ್ನು ಪಕ್ಷದ ಉನ್ನತ ಸ್ಥಾನವಾದ ರಾಜ್ಯ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಕ ಮಾಡಿರುವುದಕ್ಕೆ ಅಭಿನಂದಿಸಿದ ಅವರು, ಜನಾಂಗವನ್ನು ಗುರುತಿಸುತ್ತಿರುವ ಈ ನಾಯಕರನ್ನು ಶೇಷಾಧ್ರಿಪುರಂನಲ್ಲಿರುವ ಪಕ್ಷದ ಕಚೇರಿಯಲ್ಲಿ ಕುಂಬಾತ ಜನಾಂಗ ಹಾಗು ಅಹಿಂದ ವರ್ಗದ ವತಿಯಿಂದ ಅಭಿನಂದಿಸಲಾಗುವುದು. ಅಂದು ಸಾವಿರಾರು ಕಾರ್ಯಕರ್ತರು ಅಂದು ಪಕ್ಷ ಸೇರ್ಪಡೆಗೊಳ್ಳಲಿದ್ದಾರೆಂದು ಅವರು ಹೇಳಿದರು.
ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಪಕ್ಷವನ್ನು ಜನಾಂಗವು ಬೆಂಬಲಿಸಿ ದೇವೇಗೌಡ, ಕುಮಾರಸ್ವಾಮಿ ಕೈ ಬಲಪಡಿಸಲಿದ್ದಾರೆ. ಹಿಂದುಳಿದ ವರ್ಗದವರನ್ನು ಜೆಡಿಎಸ್ ಗುರುತಿಸಿದ್ದು ಸಮುದಾಯದವರಿಗೆ ಆಶಾಕಿರಣವಾಗಿ ಕಂಡಿದೆ. ವಾಲ್ಮೀಕಿ ಅಭಿವೃದ್ಧಿ ಮಂಡಳಿ ಸ್ಥಾಪಿಸಿರುವ ಮುಖ್ಯ ಮಂತ್ರಿ ಸಿದ್ದರಾಮಯ್ಯನವರನ್ನು ಕುಂಬಾರ ಅಭಿವೃದ್ಧಿ ನಿಗಮ ಮಂಡಳಿ ಸ್ಥಾಪಿಸುವಂತೆ ಮನವಿ ಮಾಡಿದರು ಅವರು ಕಿವಿಗೊಡಲಿಲ್ಲ, ಜನಾಂಗದ ಅಭಿವೃದ್ಧಿಗಾಗಿ ಮೀಸಲಿಟ್ಟಿದ್ದ 50 ಕೋಟಿ ರೂ ಅನ್ನು ಖರ್ಚು ಮಾಡದೆ ಕೇವಲ ಪ್ರಚಾರ ತಂತ್ರ ಮಾಡುತ್ತಿದ್ದಾರೆ ಎಂದು ಆರೋಪಿಸಿದರು.
