ಬೆಂಗಳೂರು(ಡಿ.೦೯, ಕುಲಾಲ್ ವರ್ಲ್ಡ್ ನ್ಯೂಸ್): ಅಖಿಲ ಕರ್ನಾಟಕ ಕುಂಭೇಶ್ವರ ಸೇವಾ ಟ್ರಸ್ಟ್‌ ವತಿಯಿಂದ ಡಿ.17ರ ಭಾನುವಾರದಂದು ಬೆಂಗಳೂರಿನ ಗಾಂಧಿನಗರದಲ್ಲಿರುವ ಹೋಟೆಲ್ ಕಾನಿಷ್ಕಾ ದಲ್ಲಿ ಕುಂಬಾರ ಬಾಂಧವರ ವಧು ವರರ ಸಮಾವೇಶ ಏರ್ಪಡಿಸಿದೆ.
ಬೆಳಿಗ್ಗೆ ೧೦.ರಿಂದ ಮಧ್ಯಾಹ್ನ ೩.೩೦ರವರೆಗೆ ನಡೆಯಲಿರುವ ಸಮಾವೇಶದಲ್ಲಿ ರಾಜ್ಯದ ಎಲ್ಲಾ ಕುಂಬಾರ ಬಂಧುಗಳು ಭಾಗವಹಿಸಲು ಅವಕಾಶ ಕಲ್ಪಿಸಲಾಗುತ್ತಿದೆ. ಸಮಾವೇಶಕ್ಕೆ ಬರುವಾಗ ವಧು-ವರರ ಪೋಸ್ಟ್ ಕಾರ್ಡ್ ಅಳತೆಯ ಭಾವಚಿತ್ರ, ವಿಳಾಸ, ದೂರವಾಣಿ ಸಂಖ್ಯೆ, ವಿದ್ಯಾಭ್ಯಾಸ, ಉದ್ಯೋಗದ ವಿವರಗಳು ಮತ್ತು ಉಪ ಪಂಗಡದ ವಿವರಗಳೊಂದಿಗೆ ಆಗಮಿಸಿ, ನಿಗದಿಪಡಿಸಿದ ಅರ್ಜಿ ನಮೂನೆಯಲ್ಲಿ ಭರ್ತಿ ಮಾಡಿ ಕೊಡಬೇಕಾಗಿದೆ. ಈ ಸಮಾವೇಶದಲ್ಲಿ ಭಾಗವಹಿಸಲು ಯಾವುದೇ ಶುಲ್ಕ ಇರುವುದಿಲ್ಲ. ಭಾಗವಹಿಸುವ ಸಮಾಜ ಬಾಂಧವರಿಗೆ ಭೋಜನ ವ್ಯವಸ್ಥೆ ಇರುತ್ತದೆ. ಈ ಸಮಾವೇಶಕ್ಕೆ ವಧು-ವರರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ, ಸಮಾವೇಶದ ಉಪಯೋಗವನ್ನು ಪಡೆದುಕೊಂಡು ಬಾಂಧವ್ಯ ಬೆಸೆಯಬೇಕೆಂದು ಅಖಿಲ ಕರ್ನಾಟಕ ಕುಂಭೇಶ್ವರ ಸೇವಾ ಟ್ರಸ್ಟ್‌ ನ ಪ್ರಮುಖರು ವಿನಂತಿಸಿದ್ದಾರೆ.
ಹೆಚ್ಚಿನ ವಿವರಗಳಿಗೆ ಕೆ ಎಂ ದಕ್ಷಿಣಾಮೂರ್ತಿ(9342549996), ಕೆ.ಪಿ ಕೃಷ್ಣ (9535693844) ಹಾಗೂ ಎನ್ ಎಸ್ ಜಯಕೃಷ್ಣ (9448574159) ಅವರನ್ನು ಸಂಪರ್ಕಿಸಬಹುದು.
