ಕಿನ್ನಿಗೋಳಿ(ನ.೨೫, ಕುಲಾಲ್ ವರ್ಲ್ಡ್ ನ್ಯೂಸ್): ಕುಲಾಲ ಸಮಾಜ ಸೇವಾ ಸಂಘ ತೋಕೂರು ಇವರ ಆಶ್ರಯದಲ್ಲಿ ಕುಲಾಲ ಜವನೆರ್ ತೋಕೂರು ಇವರ ವತಿಯಿಂದ ವಿವಿಧ ಕ್ಷೇತ್ರದ ಸಾಧಕರಿಗೆ ಸನ್ಮಾನ ಕಾರ್ಯಕ್ರಮವು ತೋಕೂರು ಸುಬ್ರಹ್ಮಣ್ಯ ಷಷ್ಠಿ ಮಹೋತ್ಸವದ ವೇದಿಕೆಯಲ್ಲಿ ನಡೆಯಿತು.
ಕರಾಟೆಯಲ್ಲಿ ರಾಷ್ಟ್ರಮಟ್ಟಕ್ಕೆ ಆಯ್ಕೆ ಆದ ಕಿನ್ನಿಗೋಳಿ ಜೋಡುಬೈಲು ಗೀತಾ ಮತ್ತು ಗೋಪಾಲ್ ಕುಲಾಲ್ ದಂಪತಿಯ ಪುತ್ರಿ ಶೃತಿ ಕುಲಾಲ್ ಮತ್ತು ಬಾಲ್ ಬ್ಯಾಡ್ ಮಿಂಟನ್ ನಲ್ಲಿ ಸಾಧನೆಗೈದ ಕಿನ್ನಿಗೋಳಿ ಉಳ್ಳ೦ಜೆಯ ಜಾರಪ್ಪ ಮೂಲ್ಯ-ಲೀಲಾ ದಂಪತಿಯ ಪುತ್ರಿ ಅನನ್ಯಾ ಕುಲಾಲ್ ಅವರನ್ನು ಗೌರವಧನ ನೀಡಿ ಸನ್ಮಾನಿಸಲಾಯಿತು.
ಮಾಜಿ ಸೈನಿಕರಾದ ಜಗದೀಶ್ ಕುಲಾಲ್ ಶರಣ ಅತ್ತೂರು, ದಿನೇಶ್ ಕುಲಾಲ್ ಕಿಲೆಂಜೂರು ಮತ್ತು ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಏಳಿಂಜೆ ಕೃಷ್ಣ ಸಾಲ್ಯಾನ್ ಅವರನ್ನು ಶಾಲು ಹೊದೆಸಿ, ಸ್ಮರಣಿಕೆ ನೀಡಿ ಗೌರವಿಸಲಾಯಿತು. ಈ ಸಂದರ್ಭ ಕುಲಾಲ ಸಂಘ ಹಾಗೂ ಕುಲಾಲ ಜವನೆರ್ ಗ್ರೂಪ್ ನ ಪದಾಧಿಕಾರಿಗಳು, ಸದಸ್ಯರು ಉಪಸ್ಥಿತರಿದ್ದರು.
