ಬೆಂಗಳೂರು(ನ.೨೪, ಕುಲಾಲ್ ವರ್ಲ್ಡ್ ನ್ಯೂಸ್): “ದೇಶದ ಪ್ರಗತಿಯಲ್ಲಿ ಸುದ್ದಿ ಮಾಧ್ಯಮಗಳ ಪಾತ್ರ/ ಜವಾಬ್ದಾರಿ” ಎಂಬ ವಿಷಯದ ಮೇಲೆ 3k ಬಳಗ(ಕನ್ನಡ-ಕಥನ-ಕಾವ್ಯ) ಬೆಂಗಳೂರು ನಡೆಸಿದ ರಾಜ್ಯಮಟ್ಟದ ಕನ್ನಡ ಪ್ರಬಂಧ ಸ್ಪರ್ಧೆಯಲ್ಲಿ ಉದಯೋನ್ಮುಖ ಲೇಖಕ ಮಂಜುನಾಥ್ ಹಿಲಿಯಾಣ ಅವರಿಗೆ ದ್ವಿತೀಯ ಬಹುಮಾನ ದೊರಕಿದೆ.
ಯುವ ತಲೆಮಾರಿನ ಬರವಸೆಯ ಕಥೆಗಾರರಾಗಿ, ಲೇಖಕರಾಗಿ, ನಿರೂಪಕರಾಗಿ ಮಂಜುನಾಥ್ ಹಿಲಿಯಾಣ ಪ್ರಸಿದ್ಧರು.ಈ ಪ್ರಬಂಧ ಬರಹ ಸ್ಪರ್ಧೆಯಲ್ಲಿ ಕನ್ನಡದ ನೂರಕ್ಕೂ ಅಧಿಕ ಹಿರಿ-ಕಿರಿಯ ಲೇಖಕರು ಭಾಗವಹಿಸಿದ್ದರು.. ನವೆಂಬರ್ 26ರಂದು ಬೆಂಗಳೂರಿನಲ್ಲಿ ನಡೆಯುವ “3k ರಾಜ್ಯೋತ್ಸವ” ಸಮಾರಂಭದಲ್ಲಿ ಬಹುಮಾನ ನೀಡಿ ಗೌರವಿಸಲಾಗುವುದು. ನಗದು, ಪ್ರಶಸ್ತಿ ಪತ್ರ ಫಲಕವನ್ನು ಬಹುಮಾನ ಒಳಗೊಂಡಿದೆ.
